Гуырдзиаг-америкаг æмахастыты сног кæнынæн хъæуы æнæниз æмæ рæстадон ахаст, кæд æмæ санкцитæ æмæ æскъуыддзæгтæ нæ ахъаз кæнынц æмахастыты сног кæнынæн – уый фæдыл Гуырдзыстоны премьер-министр Ираклий Къобахидзе журналисттæн расидтис.

Къобахидзейы расидæнмæ гæсгæ, санкциты снысан кæнын гуырдзиаг-америкаг æммахастыты скуынæг кæнын у здæхт.

«Ахæм къахдзæфтæ, ахæм уынаффæтæ нæ ахъаз кæнынц ахастытæ сног кæнынæн. Хъуыды ма кæндзыстут, ацы ахастыты цыппар азы дæргъы кæй уыд серьезон зындзинæдтæ. Сæйраджыдæр раздæры минæвары архайд æркодта ацы зындзинæдтæм, æмæ ахæм уавæрты, æнæмæнгæй тынг ахсджиаг у ахастытæ сног кæнын. Æмахастытæ сног кæнынæн хъæуы æнæниз æмæ рæстаг ахаст, фæлæ ахæм санкцитæ, ахæм уынаффæтæ нæ ахъаз кæнынц ахастыты сног кæнынæн, уæлдайдæр та санкцитæ куы æвæрд цæуынц, зæгъæм, бæрзонд рангы пъæлицæйæгтæн, августы хæсты чи архайдта, уыцы адæймæгтæн. Уый нæ паддзахадæн у æгæрон æфхæрд, махæн бындуронæй æнæрайсгæ у. Æз мæ тыхстдзинад расидтæн америкаг минæварæн æмæ уымæй уæлдай, тынг бæлвырдæй загътон иу хъуыддаг, кæд æмæ ноджы иу къахдзæф бафтаудзæн, уæд ацы цауы, мах бахъæудзæн принципонæй æруынаффæ кæнын бæрæг позицитæ раивыны фæдыл. Ахæм паддзахады æрдыгæй æнæпартнерон ахаст, кæцы хуыйны æрмæст партнер нæ фæлæ ма стратегион партнер дæр, махæн бындуронæй æнæрайсгæ у. Уымæ гæсгæ æз сидын алкæмæ дæр архайын рационалонæй æмæ рæстагæй. Уый пайда уыдзæн гуырдзиаг-америкаг ахастытæн.

Цыдæриддæр та уыцы къахдзæфмæ хауы, кæцы знон арæзт æрцыд, ацы къахдзæф гуырдзиаг-америкаг æмахастытæ скуынæг кæнынмæ у здæхт. Уый чи сарæздзæн, уæхæдæг æруынаффæ кæнут», -расидтис Ираклий Къобахидзе.