Китайимæ стратегион партнерады фæарфдæр уыдзæн иуæй-иу нысаниуæгджын приоритет – уый фæдыл Гуырдзыстоны премьер-министры постмæ кандидат Ираклий Къобахидзе парламенты пленарон рабадтыл ныхасы рæстæджы расидтис.

Ираклий Къобахидзе куыд банысан кодта афтæмæй, нысаниуæгджын у Китайимæ политикон партнерады фæарфдæр кæнын, афтæ дæр ноджы фæуæрæхдæр кæна базарадон æмæ экономикон æмкуыстдзинад.

«Ацы æрдæм стыр прогресс сарæзтам фарон, Гуырдзыстон æмæ Китайы æхсæн стратегион партнерады фæдыл бадзырд куы æрцыд бафыст. Ныр нæ сæйраг хæс у, цæмæй куыд гæнæн ис, афтæ реализаци кæнæм ацы бадзырды нысангонд æппæт приоритеттæ. Ныридæгæн нæм ис конкретон æнкъарæн фæстиуджытæ æндæр æмæ æндæр здæхтыты, се æхсæн дывæрсыг æнæвизæйон режимы баконд. Китайы æмбæстæгтæн æнæвизæйон режим сфидар кодтам, Китай та Гуырдзыстоны æмбæстæгтæн æнæвизæйон режим сарæзта, ис нын комкоммæ рейстæ Гуырдзыстон æмæ Китайы æхсæн фылдæр интенсивондзинадимæ æмæ а.д. Махæн ис æнкъарæн прогресс æндæр æмæ æндæр здæхтыты, æмæ иттæг нысаниуæгджын у политикон партнерады фæарфдæр кæнын, афтæ дæр ноджы фæуæрæхдæр кæнын базарадон-экономикон æмкуыстдзинад, мах активонæй адаргъ кæндзыстæм уый фæдыл хъусдард», – расидтис Ираклий Къобахидзе.