Æртæ азы дæргъы нæ бæстæйы революци сорганизаци кæнынмæ æрцыд цыппар æнæнтыст бафæлвæрды. Цыппар цауы дæр уыд бæрæг фæсарæйнаг финанскæнынад, уыцы нымæцы америкаг дæр. «Кæй зæгъын æй хъæуы, тынг нысаниуæгджын у, цæмæй Трампы администраци ацы хъуыддагмæ ногæй æркæса» – райхъусын кодта Гуырдзыстоны премьер-министр Ираклий Къобахидзе, хицауады администрацийы уагъд брифингыл журналисты фарстæн дзуапп дæтгæйæ.

Журналист Къобахидзейæн ратта фарст, Дональд Трампы æрдыгæй АИШ-ы æппæт æттаг æххуысы программæты 90 бонмæ æрурæды фæдыл.

Къобахидзе куыд банысан кодта афтæмæй, Дональд Трампы æскъуыддзагæн райгонд у.

“Мах ныхас кодтам æнæхъæн ацы периоды дæргъы.” Уæлдайдæр та, æргомдзинады закъон куы райдыдтам, уæд æрмæст бæстæйы æддейæ нæ бæстæмæ цы бæрæг фæрæзтæ æрбацыд, уыдон æнæмбæлонæй хардзгонд нæ цыдысты, фæлæ ма дзырдтам, бирæ цауты, революцион процессты комкоммæ финанскæныны тыххæй дæр, кæцы æввахс у. Сымах федтат, æртæ азмæ нæ бæстæйы революци саразыны цыппар æнæнтыст бафæлвæрды кæй æрцыд. Цыппар цауы дæр уыд бæрæг фæсарæйнаг финанскæнынад, уыцы нымæцы америкаг дæр. Кæй зæгъын æй хъæуы, Трампы администрацийæн тынг нысаниуæгджын у ацы хъуыддагмæ ногæй æркæсын.

Хъуыды ма кæнут æргомдзинады закъоны алыварс ныхас. Уæд нын дзырдтой, зæгъгæ, нæ хицæн кæнут, зæгъæм, Уæрæсе æмæ Ныгуылæн. Мах цыдæр хуымæтæг дзырдтам – ницы кæны, чи æмæ кæм лæууы бæстæйы интересты ныхмæ. Кæд æмæ америкаг æхцайæ пайда кæнынц бæстæйы æнæраст процесстæ размæ кæнынæн, уæд, кæй зæгъын æй хъæуы, бæстæ ам дæр хъуамæ хъахъхъæна йæхи националон интерестæ, раст цыма Уæрæсейæ дæр афтæ цæуы. Ницы хицæндзинад ис, бæстæйæн ис суверенитет æмæ суверенитет хъуамæ хъахъхъæд æрцæуа алкæмæ ахасты. Уый иттæг хорз равдыста президент Трампы æмбæлон уынаффæ. Бæрæг сси, америкаг фæрæзтæй арæх кæй пайда кодтой рæдыд процесстæ финанс кæнынæн æмæ бæлвырд бæстæты суверенитет фехалынæн. «Цы дзырдтам æмæ цæй тыххæй критикæ кодтам, зæгъæм, Уæрæсе æмæ Америкæйы иу æмвæзадыл сæвæргæйæ, нæ хъуыдыты растдзинад бæлвырдгонд æрцыд президент Трампы администрацийы æмæ йæхæдæг президенты æскъуыддзагæй» – райхъусын кодта Ираклий Къобахидзе.