Гуырдзыстоны премьер-министр Ираклий Къобахидзе фембæлд Æхсæнадæмон валютон фонды миссийы къухдариуæггæнæг Алехандро Хаззарденбергимæ, фонды æххæстгæнæг директор Жерон Кликимæ æмæ Гуырдзыстоны фонды цæрæг минæвар Эндрю Джуэлимæ.

Фембæлдыл ныхас цыд Гуырдзыстоны экономикон рæзты динамикæйыл, макроэкономикон стабилондзинадыл æмæ  IMF-ы нысаниуæгджын ролыл структурон реформæты реализацийы. Хицауады Сæргълæууæг йæ хъус аздæхта паддзахадон куыстуæтты къухдариуæгады реформæмæ, кæцы уыд  IMF-ы ахсджиаг рекомендацитæй иу, æмæ банысан кодта, цæмæй процесс активонæй цæуы паддзахадон куыстуæтты эффективондзинад максималонæй фæбæрзонддæр кæныны тыххæй.

Ныхас цыд бæстæйы прогрессмæ базарадон диверсификацийы, регионалон базарадон бастдзинæдты фæхуыздæр кæныны, капиталон базарады рæзты æмæ энергетикон æдасдзинады фæтыхджындæр кæныны хъуыддаджы.

Премьер-министр банысан кодта, цæмæй Гуырдзыстон аргъ кæны  IMF-имæ æнгом æмгуыстадæн æмæ фонды прогнозтæн, кæцытæ æмдзу кæнынц Гуырдзыстоны хицауады прогнозтимæ.

Миссийы къухдариуæггæнæг æмæ æппæтдунеон валютон фонды æххæстгæнæг директор, кæцытæ æхсæнадæмон валютон фонды «4-æм статьяйы консультацитæ» миссийы фæлгæтты Гуырдзыстоны сты, Гуырдзыстоны хицауадимæ æнгом æмкуыстдзинады фæдыл сæ цæттæдзинад расидтысты.