Гуырдзыстоны премьер-министр Ираклий Къобахидзе Китайы Адæмон Республикæйы национ хъуыддæгты фæдыл националон комисы делегациимæ фембæлд, комиссар Цинь Ичъийы сæргълæудæй.

Гуырдзыстоны хицауады информацимæ гæсгæ, фембæлдыл ныхас цыд Гуырдзыстон æмæ Китайы æхсæн æнгом æмкуыстдзинадыл, кæцыйæн ноджы фылдæр æвдисæн у дыууæфарсон ахастыты æппæтдунеон стратегион партнерадмæ бæрзонддæр кæнын.

«Фæрстæ æруынаффæ кодтой этникон политикæйы фарстыты фæдыл æмгуыстадыл куыд дывæрсыгæй, афтæ æхсæнадæмон форумты дæр. Æвдыст æрцыд фæндондзинад ацы фадыджы фæлтæрддзинадæй дих кæнынмæ.

Фембæлдыл афтæ дæр фæныхас кодтой æмбæстагон æмбарад æмæ интеграцийы фæдыл паддзахадон политикæйыл, афтæ дæр ацы фадыджы уæвæг дæсазон стратегийыл, кæцы æмхуызон фадæттæ сифтонг кæнынмæ здæхт у» -ис фыст Гуырдзыстоны хицауады фидиуæны.

Фембæлдыл афтæ дæр истой хайад Гуырдзыстоны бафидауын æмæ æмбæстагон æмбарады фарстаты паддзахадон министр Теа Ахвледиани æмæ хицауады администрацийы къухдариуæггæнæг Леван Жоржолиани.