Гуырдзыстоны премьер-министр, Ираклий Къобахидзе Европолитикон Цæдисы саммиты хайад исы, ​​кæцы Венгрийы сæйраг сахар Будапешты уагъд цæуы. Саммиты хайадисæг 40 бæрц паддзахады лидертæн фысым уыдзæн Венгрийы премьер-министр Виктор Орбан.

Гуырдзыстоны премьер-министр бахахх кодта саммиты нысаниуæгдзинад æмæ банысан кодта, цæмæй мадзалы фæлгæтты, куыд йæ ныхасы рæстæджы, афтæ дæр европæйаг лидертимæ ныхас кæндзæн Гуырдзыстоны цæугæ процесстыл æмæ Гуырдзыстоны æмæ Евроцæдисы æхсæн ахастытыл.

«Уæлдай цымыдисон уый у, æмæ ацы мадзал Венгрийы, Будапешты, АИШ-ы президентон æвзæрстыты фæстæ чысыл рæстæджы фæстæ уагъд цæуы. Мæн уыдзæн раныхас тематикон панелы, афтæ дæр кæронбæттæн пленарон рабадты, цыран хъуысдзысты нæ бæстæимæ баст хъусынгæнинæгтæ æмæ нæ бæстæйы алыварс цæугæ цаутæ. Афтæ дæр нын фадат уыдзæн  Европæйы  лидертимæ ныхас кæнын  алы  уыцы  темæйыл, кæцытæ цымыдисон сты  Гуырдзыстон-Евроцæдисы  ахастыты  æрдгæй. Сæ æхсæн фæныхас кæндзыстæм Гуырдзыстоны æттаг политикæйы приоритетыл, кæцы Евроцæдисмæ интеграци у. Ныхас кæндзыстæм Гуырдзыстоны цæугæ процесстыл æмæ Гуырдзыстоны æмæ Евроцæдисы æхсæн æммахастыты фæдыл», -расидтис Ираклий Къобахидзе.

Европолитикон цæдисы фæндзæм саммитыл ныхас кæнинаг сæйраг темæ у европон æдасдзинады фарстатæ. Саммиты фæлгæтты плангонд сты тематикон дискусситæ.

Премьер-министр Ираклий Къобахидзе панел-дискуссийыл раныхас кæндзæн, кæцыйы сæйраг темæ у экономикон æдасдзинад æмæ бастдзинад, афтæ дæр саммиты кæронбæттæн пленарон рабадтыл.

Гуырдзыстоны хицауады сæрдар Европолитикон цæдисы саммитыл делегациимæ иумæ хайад исы, ​​кæцыйы сконды сты æттаг хъуыдтæгты министр Дарчиашвили Илья æмæ хицауады администрацийы къухдариуæггæнæг Леван Жорджолиани.