Абон аскъуыддзаг кодтам, цæмæй 2028 азы кæронмæ Евроцæдисимæ бадзырдты байгом кæныны фарста боны фæткмæ ма æрæвæрæм. Афтæ дæр, 2028 азы кæронмæ нæ разы кæнæм Евроцæдисы цыфæнды бюджетон грантыл дæр. 2028 азы кæрон у уыцы рæстæг, кæд æмæ Гуырдзыстон экономикон цæстæнгасæй æмбæлонæй бацæттæ уыдзæн, 2030 азы Евроцæдисмæ бацæуыны дуар байгом кæна, – уый фæдыл Гуырдзыстоны премьер-министр, Ираклий Къобахидзе  расидтис «Гуырдзиаг Бæллицы” офисы.

Уымæй дарддæр ма Ираклий Къобахидзе абоны брифингыл фæныхас кодта ацы уынаффæйы аххосæгтæм фæдыл.

«Гуырдзыстон у европæйаг бæстæ, кæцыйæн традицион европæйаг аргъдзинæдтæ сты органикон æмæ зынаргъ. Куыд рагон чырыстон бæстæ, Гуырдзыстон кæддæриддæр Европæмæ каст, куыд чырыстон дины хъахъхъæды сæйраг бастион. Мах стæм Илья Чъавчъавадзе æмæ Важа-Пшавелайы бæстæ, кæцытæ европæйаг аргъдзинæдтæ гуырдзиаг æмбæстагон хъуыдыкæнынады лейтмотивæй сарæзтой.

Гуырдзыстоны истори æмæ нæ стыр фыдæлты раз нæ хæс у, цæмæй Гуырдзыстон скæнæм европæйаг мыггаджы æххæстбарджын уæнг. Уымæ гæсгæ, нæ паддзахадон хæс у Гуырдзыстон 2030 азы Евроцæдисы уæнг скæнын, цæй тыххæй нæ тыхтæ нæ бавгъау кæндзыстæм.

Хъуамæ банысан кæнæм, цæмæй Гуырдзыстон-Евроцæдисы ахастытæ, сæ мидисмæ гæсгæ, сты дыууæфарсон æмæ гæнæн ис æрмæстдæр дыууæфарсон уой. Мах стæм сæрыстыр æмæ хиуылхæцгæ адæм, кæцытæн ис бирæ истори. Уымæ гæсгæ, махæн категорионæй æнæрайсгæ у, Евроцæдисмæ интеграци нымайæм куыд тæригъæд, кæцы нын Евроцæдис хъуамæ ратта. Уымæй уæлдай ма, мах уырны, цæмæй Гуырдзыстонæн йæ хъæздыг культурæ æмæ потенциалæй йæ бон у Евроцæдис фæхъæздыгдæр кæна растдæр афтæ, куыд Евроцæдисæн йæ бон у Гуырдзыстоны фæхъæздыгдæр кæна.

Ацы фоныл иуæй-иу европæйаг политикты æмæ бюрократты бафæлвæрд Гуырдзыстон-Евроцæдисы æмахастытæ иувæрсыг цауæй равдисын категорионæй æнæрайсгæ у гуырдзиаг адæмæн. Ноджы æнæрайсгæдæр у, ацы адæмæй цы æгад ныхæстæ хъусæм, уыдон æнæхъæнæй дæр.

Нæ бæстæйы фыдвæндджытæ Европарламентæй Гуырдзыстоны ныхмæ шантажы æнæфснайд фæрæзæй сарæзтой, кæцы Евроцæдисы сеппæтæй стырдæр худинаг у. Фæстаг 3 азы мидæг, Европарламент райста 5 мæнгдзинад æмæ æфхæрдæй дзаг резолюци, кæцытæ æрмæст Гуырдзыстоны æхсæнад нæ фæлæ ма Еврокамис æмæ Евросовет дæр нæ баиу сты.

Æнæхъæн Гуырдзыстон уыд æвдисæн парламентон æвзæрстыты иуæй-иу европæйаг политикты æмæ бюрократты хъастæн, кæцы демокративон æвзарæнон принципты карз хæлд у. Абон уыцы иу адæм бырсынц легитимон æвзæрстытæм. Уымæй  уæлдай ма  уыдон æхсынц ОБСЕ/ОДИР æвзæрстыты  аргълæвæрды мисси, кæцы  æвзæрстытæн  саргъ кодта  куыд  ерысхъом,  афтæ, куыд Гуырдзыстоны  радикалон оппозицийы  лидертæ.

Афтæ дæр уынæм, цæмæй европæйаг политиктæ æмæ бюрократтæ рахицæнгонд гранттæй æмæ кредиттæй пайда кæнынц Гуырдзыстоны ныхмæ шантажæн. Не ‘ппæт дæр хъуыды кæнæм, 2021-æм азы æвзæрстытæй иу-дыууæ къуырийы размæ Гуырдзыстонæн 75 милуан евройы бæрц кредит скусын кæнын план кодтой, цæмæй æвзæрстытыл æнæлегитимон æндæвдад уа. Ахæм къахдзæф 2024-æм азы парламентон æвзæрстыты агъоммæ сырæзт, фæлæ уымæн гæнæн нæ уыд гуырдзиаг адæмы æвзæрстæн исты æндæвдад æрхæссын. Æхцайы фæрæзтæй шантажæн спайда кæнын дæр у ахæм фыдгæнæг практикæ, кæцы хиуылхæцгæ гуырдзиаг адæмæн никуы суыдзæн райсинаг.

Не ‘ппæт дæр хъуыды кæнæм, куыд спайда кодтой кандидаты статусы фарстæй Гуырдзыстоны шантаж кæнынæн, бæстæмæ хаос æрхæссынæн æмæ æхсæнады ссæрибар кæнынæн. Украинæйы хæсты фоныл, уыцы рæстæджы, кæд æмæ Гуырдзыстоны сеппæтæй тынгдæр сабырдзинад хъуыд, иуæй-иу европæйаг политиктæ æмæ бюрократтæ спайда кодтой кандидаты статусы темæйæ, цæмæй бафæлвæрдтаиккой бæстæйы революци сорганизаци кæнын. Организацитæ, кæцытæ райсынц финанскæнынад Евроцæдисæй, æргомæй архайдтой ацы революцийы бафæлвæрды. Зæгъæн ис 2 азы дæргъы Гуырдзыстоны кандидаты статусы темæйæ пайда кæнынц радикализмæн æмæ афтæ хуынæг куыд поляризацийы расайыны сæйраг фæрæз, кæцы ноджы иу хатт æвдисы æнæниз ахаст Гуырдзыстонмæ.

Æмæ ныр, мах уынæм, цæмæй ацы адæймæгтæ баивтой кандидаты статус бадзырдты гомæй. Бадзырдты гом кæнынæй абон пайдагонд цæуы куыд фæрæз нæ бæстæйы шантаж кæнынæн æмæ æхсæнады дих кæнынæн, растдæр афтæ, куыд раздæр кандидатон статусæй пайда кодтой. Уый дæр у бынтон æрхъуыдыгонд ​​цау, уæлдайдæр та уымæн æмæ баиу кæныны датæ æппындæр баст нæу бадзырдты байгомы датæйæ.

Сæйраг уый нæу, кæд байгом кæнæм бадзырдтæ, фæлæ сæ кæд сæхгæнæм. Куыд зонут афтæмæй, Гуырдзыстон Украинæ æмæ Молдоваимæ ассоциацийы бадзырд бафыссыны, сæрибар базарады бадзырд бафыссыны æмæ æнæвизæйы режимы райсты фæдыл бадзырдтæ фæфæстиат кодта, фæлæ æртæ цауы дæр йæ къухы бафтыд æнтыст раздæр кæнæ уыцы иу рæстæг ацы бæстæтимæ. Зæрдыл æрлæууын кæнын хъæуы уый дæр, æмæ Черногори æмæ Серби Евроцæдисимæ бадзырдтæ байгом кодтой 2012 æмæ 2014 æзты, фæлæ уый гыццыл дæр нæ фæтагъддæр кодта сæ европæйаг интеграци. Евроцæдис 2016 азы Туркимæ 2005 азы байгомгонд бадзырдтæ фæурæдта.

Техникон цæстæнгасæй, бадзырдты байгомæй Евроцæдисмæ баиу кæныны онг æрмæст иу æмæ æрдæгæй дыууæ азмæ хъæуы æмæ 2030 азы онг Евроцæдисы скæсæнырдæм ахæлиу кæнын ничи план кодта. Уымæй бæрæг у куыд æрмæстдæр æмæ уымæ гæсгæ æгæрон æгадгæнæг у уыцы шантаж, кæцыйы иуæй-иу европæйаг политиктæ æмæ бюрократтæ уадзынц Гуырдзыстоны паддзахады ныхмæ бадзырдтæ байгом кæныны темæйыл.

Фæлæ ацы фоныл Гуырдзыстонæй реформæтæ нæ курынц, фæлæ æрмæстдæр уыцы къахдзæфтæ, кæцытæ нысан кæнынц кад ныууадзын. Уыдон сты «Энжойсы» æргомдзинады фæдыл законы скусын кæнын, ЛГБТ-пропагандæйы ныхмæ законы скусын кæнын, нæхи къухтæй санкциты снысан кæнын æмæ Гуырдзыстоны экономикæйы скуынæг кæнын, Михаил Саакашвилийы ссæрибар кæнын æмæ а.д.

Евроцæдисы æрдæм æрмæстдæр цытджынæй размæ цæудзыстæм. Уый у гуырдзиаг æхсæнады бардзырд, уыцы 1 120 000 æвзарæг, кæцытæ «Гуырдзиаг бæллиццы» æмæ «Гуырдзиаг бæллиццы» курсы фидар æууæнк расидтысты.

Уæлдæр ранымадгонд алцыппæт хынцгæйæ, абон ахицæн кодтам, цæмæй 2028-æм азы кæронмæ Евроцæдисимæ бадзырдты гом кæныны фарста боны фæткмæ ма æрæвæрæм. Афтæ дæр, 2028 азы кæронмæ нæ разы кæнæм Евроцæдисы цыфæнды бюджетон грантыл дæр. 2028-æм азы кæрон у уыцы рæстæг, кæд æмæ Гуырдзыстон экономикон цæстæнгасæй æмбæлонæй цæттæ уыдзæн 2030-æм азы Евроцæдисмæ бацæуыны фæдыл бадзырдтæ байгом кæнынмæ. Мах нæ æрлæууæм æмæ дарддæр кæндзыстæм нæ хæстæ æххæст кæнын Ассоциацийы боны фæткы æмæ Сæрибар базарады бадзырдмæ гæсгæ, æмæ абон фидаргонд хицауадон программæйы куыд нысангонд у, афтæмæй 2028 азмæ уыцы хæстæй 90 процентæй фылдæр сæххæст кæндзыстæм. Уыимæ æппæт ацы хæстæ æххæст кæндзыстæм нæхи финансирдзинадæй, æнæ исты финансон æххуысæй Евроцæдисы æрдыгæй. Евроцæдисмæ нæ бацæудзыстæм курæгæй æмæ иу къахыл лæугæйæ, фæлæ бацæуæм Евроцæдисмæ намысæй, æнæфæцудгæ демокративон системæ æмæ фидар экономикæйæ.

Дарддæр кæндзыстæм змæлд Евроцæдисы æрдæм, фæлæ нæ никæмæн бауадздзыстæм æнæрлæугæ шантаж æмæ манипуляциты режимы нæ ныууадзын, кæцы нæ бæстæйæн æмæ æхсæнадæн бынтон æгадгæнæг у. Уырны нæ, цæмæй нæ абоны уынаффæ нысаниуæгджын хай бахæсдзæн Гуырдзыстон æмæ Евроцæдисы æхсæн ахастытæ фæхуыздæр кæнынæн. Æмбæлон европæйаг политиктæн æмæ бюрократтæн, кæцытæ бынтондæр европæйаг аргъдзинæдтæй æнæхай сты, хъуамæ бæлвырд кæнæм, цæмæй Гуырдзыстонимæ хъуамæ ма ныхас кæной шантаж æмæ æфхæрдæй, фæлæ намысæй. Бадзырдтæ байгом кæныны фарстайæ, куыд æхсæнады дих кæныны æмæ манипуляцийы фæрæзæй спайда кæнын, Гуырдзыстоны Евроцæдисы репутацийы серьозон зиан хæссы. Нæ абоны уынаффæ фидæны бауромдзæн Евроцæдисæн ацы репутацион зиан.

Кæронбæттæны ноджы иу хатт ныфсджынæй зæгъæм, цæмæй 2030-æм азмæ Гуырдзыстон Евроцæдисмæ бацæуынмæ цæттæдæр уыдзæн æппæт кандидат бæстæтæй. Гуырдзыстон Евроцæдисы уæнг бæстæ суыдзæн æрмæстдæр сабырад, намыс æмæ дидинæфтыдæй. Уый у нæ фидиуæн гуырдзиаг адæмæн, кæцы æнæмæнгæй сæххæст кæндзыстæм», – райхъусын кодта Ираклий Къобахидзе.