«Бидзина Иванишвили куы нæ уыдаит, уæд Гуырдзыстон æмæ гуырдзиаг адæм абон бирæ уæззаудæр уавæры бахауиккой, Украинæ æмæ украинаг адæмæй ныртæккæ цы уавæры сты, уымæй», – фыссы Гуырдзыстоны премьер-министр Ираклий Къобахидзе социалон хызæгты.

«Господин Бидзина Иванишвилийы райгуырæн бон!» Фæстаг рæстæджы цаутæ ноджы тынгдæр равдыстой, Гуырдзыстон хъуымацы хидыл куыд рацыд, уæлдайдæр та фæстаг цыппар азы дæргъы. Бидзина Иванишвили куынæ уыдаит, уæд Гуырдзыстон æмæ гуырдзиаг адæм абон бирæ æвзæрдæр уавæры уыдаиккой, Украинæ æмæ украинаг адæм ныртæккæ цы уавæры сты, уымæй.

Бидзина Иванишвили сфидар кодта, Гуырдзыстоны нын тынг цы нæ фаг кодта – паддзахадон хъуыддæгтæ фæразонæй æххæст кæныны культурæ. Æгæр æнкъарæнтæ æмæ æнæфæразгæдзинад нæ бæстæйæн æрхастой цалдæр хæсты, 9 азы дæргъы фæсарæйнаг агентады авторитарон хицауиуæгад æмæ карз экономикон фæстæзаддзинад. Бидзина Иванишвилийы къухдариуæгæй, бæстæ æнтыстджынæй ахызт алкæмæй вазыгджындæр æвзарæнтыл, бахъахъхъæдта дыууадæс азы дæргъы æнæкъуылымпыйæ сабырад, æмæ йæ къухы бафтыд тагъд экономикон прогресс.

Ноджы иу хатт арфæ кæнын господин Бидзина Иванишвилийæн йæ гуырæнбоны фæдыл æмæ йын, куыд ацы бæстæйы æмбæстаг, бузныг зæгъын алы уыцы стыр хъуыддæгты тыххæй, кæцытæ сарæзта Гуырдзыстонæн æмæ йæ паддзахаддзинад фæтыхджындæр кæныны тыххæй, – фыссы Ираклий Къобахидзе.