Гуырдзыстоны премьер-министр Ираклий Къобахидзе, президент Михаил Хъавелашвили, парламенты сæрдар Шалва Папуашвили, Тбилисы мэр Каха Къаладзе æмæ æххæстгæнæн æмæ закондæттæг хицауады уæнгтимæ иумæ, 9-æм апрелы Самебайы кафедралон аргъуаны фæмардуæвджыты удты  куывдмæ æрбацыдысты.
Мардæвæрæн куывд сарæзтой Патриархон паддзахбадæн, Сенаки æмæ Чхороцкуйы митрополит Шио, иерархтимæ иумæ.
Хицауады сæргълæууæг банысан кодта, цæмæй 9-æм апрелы, иуæрдыгæй стыр трагедийы бон у, фæлæ æмрæстæджы, уый у ахæм бон, кæцы бæстæйæн æмæ гуырдзийаг адæмæн æрхаста иудзинад æмæ хæдбардзинад.
Йæ ныхæстæм гæсгæ, 35 азы бæрц размæ советон «КГБ» архайдта искусственонæй гуырдзиаг æхсæнады дих кæнын, æмæ абон æндæр æддагон тыхтæ дæр ныридæгæн афтæ архайынц, раст уыцы методтæй архайгæйæ, кæцытæ раздæр архайдтой советон КГБ.
«Æппæты хъыгагдæр  уый у, æмæ Арф Паддзахад архайы Евроцæдис æмæ АИШ-ы фæрцы, раздæр та куыста официалон структурæты фæрцы. Ацы этапыл АИШ-ы уавæр фæивта, фæлæ Брюсселы бюрократийæ нырма дæр пайда кæнынц, цæмæй Гуырдзыстоны искусственонæй æнæуынондзинад тауой. Абон махæн тынг нысаниуæгджын бон 9 апрелæй спайда кæнынмæ хъавыдысты æхсæнады ноджы иу хатт дестабилизаци кæнынæн. Кæй зæгъын æй хъæуы, 34 азы размæ паддзахадон хæдбардзинады сног куы расидтам, уæд советон КГБ дæр куыд фæуæлахиз ис, афтæ Гуырдзыстоны хæдбардзинад æмæ сæрибардзинады идея дæр ацы æддагон тыхтыл фæуæлахиз уыдзæн. Мах æнæмæнгæй фæуæлахиз уыдзыстæм æнæуынондзинадыл, уарзондзинад нæ æнæмæнгæй баиу кæндзæн, æмæ дарддæр дæр тох кæндзыстæм нæ бæстæйы хæдбардзинад æмæ сæрибардзинад ноджы тынгдæр фидар кæныныл. Уый у нæ хæс 9-æм апрелы хъайтарты раз – тох хæдбардзинадыл, сæрибардзинадыл. Нæ иумæйаг бæллиц у нæ бæстæйы баиу кæнын, афтæ дæр нæ хæс у алцыппæт саразæм нæ бæстæйы территорион æнæхъæндзинад сног кæныны тыххæй, уый у бæрндзинад хъайтарты удты раз», – расидтис Хицауады Сæрдар.