Ираклий Гъарибашвили Китайы паддзахадон советы премьеримæ фембæлдис
Стратегион партнерады райтынг æмæ базарадон æмæ экономикон æрдæмадæй уæвæг æмгуыстад уыд Гуырдзыстоны премьер-министр, Ираклий Гъарибашвилийы æмæ Китайы Адæмон Республикæйы паддзахадон советы премьеры Ли Цяны фембæлды сæйраг æркæсинаг фарстатæ. Информаци хъусын кæны Гуырдзыстоны премьер-министры пресскуыст.
Ираклий Гъарибашвили куыд банысан кодта афтæмæй, Китай Гуырдзыстонæн æууæнкаг базарадон партнер у æмæ Гуырдзыстоны ставддæр базарадон партнерты æхсæн 3-аг бынатыл ис, экспорты æрдгæй фыццаг бынатыл, æрмæст импорты æрдгæй 3-аг бынат ахсты Гуырдзыстоны ставддæр базарадон партнерты æхсæн. Фарсытæ æркастысты Китаимæ уæгъдибар базарады фæдыл бадзырд скусын кæнынæй абоны онг райсгæ фæстиуджытæ, кæцы 2022 азы дыууæ миллиард доллармæ ахæццæ ис.
«Фембæлдыл афтæдæр фæуынаффæ кодтой Гуырдзыстоны транзитон потенциалыл æмæ «Астæу кæълидоры» райрæзын кæныны нысаниуæгыл, кæцы Дунейы уæвæг быцæусидтыты фоныл, ноджы фылдæр ахсджиаг ссис. Транскаспийаг æмæ Хуссар Кавказы æхсæнадæмон транспортон маршруты уылты Гуырдзыстон Китайы, европæимæ цыбырдæр æмгъуыдты иу кæны.
Æркастысты энергетикæйы æмæ инфраструктурæйы сферæты регионалон инициативæтæ, кæцытæ райрæзын кæндзысты Хуссар Кавказы регионы фадæттæ, суа хурыскæсæны æмæ хурныгуылæны иугæнæг», – дзырдæуы премьер-министры пресскуысты информацийы.