Ираклий Гъарибашвили Гуырдзыстоны Евроцæдисы уæнгсуæвыны фæдыл куырдиат бафыста

Ираклий Гъарибашвили  Гуырдзыстоны Евроцæдисы уæнгсуæвыны фæдыл  куырдиат  йæ къух бафыста.

Ираклий Гъарибашвили æмбæстæгтæм  сидты  куыд райхъусын кодта афтæмæй,  абон зæгъгæ у историон бон.

Йæ аргълæвæрдæй,  Евроцæдисы уæнгæй суæвыны  куырдиаты саразын  ноджы иу нысаниуæгджын   этап у Гуырдзыстонæн   Европæмæ фæндагыл.

«Абон у историон  бон Гуырдзыстонæн.  Бæстæйы номæй къух фыссын  Евроцæдисы  уæнгсуæвыны фæдыл   куырдиатыл.  Евроцæдисы  уæнгсуæвыны фæдыл  куырдиат саразын   ноджы иу нысаниуæгджын этап у  Гуырдзыстоны  Европаг  интеграцийы фæндагыл. Этап кæцы  нæ истори   ног сыфтæр рафæлдахдзæн.

Евроцæдисы уæнгсуæвыны фæдыл  куырдиат саразын у  ноджы иу  нысаниуæгджын  этап  Гуырдзыстоны Европаг  интеграцийы фæндагыл – этап, кæцы нæ  бæстæйы историйы  ног  сыфтæр рафæлдахдзæн  æмæ адарддæр кæндзæн  нæ  фыдæлты  тыхархайд, кæцы  уыд  иумæйаг европаг  бинонтимæ  баиу кæныны æрдæм.   Гуырдзыстон у  европаг  паддзахад;  нæ бæстæ сæрмагонд  рагон историйы  дæргъы, кæддæриддæр  уыдис  европаг  культурæйы æмæ  цивилизацийы   тыгъдад æмæ абон дæр  йæ  аргъджын  хайбавæрд кæны  йæхъахъхъæды æмæ   рæзынады. «Европагдзинад»   у уыцы аргъдзинæдты æмæ  хæзнаты иудзинад, кæцыйæ æвзæры  европæ.  Йæхæдæг Гуырдзыстоны истори, кæцы  сæрибардзинадæн  тохы истори у, уый бæлвырдгæнæн у, цæмæй ацы хæзнатæй у  гуырдзыйаг адæймаг æмæ   уый тыххæй  дæр нæй гæнæн  фæхицæн кæнын» –  райхъусын кодта  Ираклий Гъарибашвили.