Иугонд Нациты Организацийы  Украинайы æнæивгæ  минæвар, Сергей  Кислица   ИНО-ы  æдасдзинады  советы   рабадтыл, йæ хъусдард раздæхта  уыцы фактмæ,  ома Уæрæсейы  Федераци  ныхасæй-ныхасмæ  рафæлхатт кодта сæрмагонд   уынаффæ  Украинайы  суверенон  регион Луганскы а.х. Хæдбарад банымадæн, афтæ куыд   2008 азы  оккупацигонд Гуырдзыстоны территорийы Цхинвал  регионы   цауы бакодта.   Информаци хъусын кæны   украинаг медиа.

«Ныхасæй-ныхасмæ йæ  копировкæ  скодтат.  Иу мур кретивондзинад дæр уæм нæй», – райхъусын кодта  Кислица  æмæ ИНО-ы  æдасдзинады  советы уæнгтæн бавдыста  дыууæдæр документ, кæцыйы аналогион тексттæ  сты  банысангонд.

«Ксерокс  дзæбæх кусы.  Дарддæр та  чи уыдзæн?  Ацы фарст у гом», – бафтыдта ма украинаг  дипломат.

«Украинайы  Луганскы регионы фæдыл, 2022  азы 21 февралæй  датæвæрд  барамынды дзырдæуы:  «Луганскы адæмон республикæйы  адæмы фæндмæ æмбæлгæйæ,  Украинайы  нæзагъдыл  конфликт  сабырæй  аскуыддзаг кæныныл, «Минскы бадзырдмæ» æмбæлгæйæ, Луганскы адæмон  республикæ  суверенон æмæ   хæдбар   паддзахадыл  нымад æрцæуæд».  Документы ма афтæдæр дзырæдауы, ома «Уæрæсейы фæсарæн хъуыддæгты министрад, сыххæст кæнæд  Луганскы  фарсимæ  бадзырдтæ дипломатон  ахастытæ  сфидар кæныны фæдыл æмæ бафыстæуæд бадзырд   æмбæлгæ  документтæй».

Барамындмæ гæсгæйæ,  афтæдæр Уæрæсейы  фæсарæн  хъуыддæгты министрадмæ, æххæстгæнæг  хицауады  интересджын   федералон  органтимæ иумæ хæслæвæрд уыд, «сыххæст кæнæд бадзырдтæ Луганскы  фарсимæ,  хæларады, æмгуыстады æмæ  кæрæдзийæн æххуысы  бадзырды   проекты бацæттæйыл  æмæ  æнхъарæн йæ бафыссыны фæдыл  бæрæг фæлгæттæм æмбæлгæйæ  бавдисæд».

«Луганскы адæмон  республикæйы  къухдариуæггæнæгæй   Уæрæсейы Федерацийы  хъахъхъæнынады министрадмæ  куырдиаты  фæдыл, барамынды æртыккаг  пункты  бавдыст бадзырд  бафыссыны размæ,  Уæрæсейы  Федерацийы  гарзджын тыхтæ  Луганскы  адæмон республикæйы  территорийыл   сабырадæн  æххуысгæнæгæй  уæд», –  дзырдæуы  документы.

Ныр оккупацигонд Цхинвалы  регионы  фæдыл барамынды тыххæй  куы зæгъæм, кæцы 2008 азы 26 августæй  датæвæрд у, уым дзырдæуы:  «Хуссар Ирыстоны  адæмы фæндмæ æмбæлгæйæ,  Хуссар Ирыстоны  Республикæ  суверенон æмæ  хæдбар  паддзахадыл нымад æрцæуæд».

Документы ма афтæдæр фыст ис, ома «Уæрæсейы фæсарæн хъуыддæгты министрады сыххæст кæнæд  Хуссар Ирыстоны фарсимæ  бадзырдæ  дипломатон ахастытæ  сфидар кæныны фæдыл æмæ  баххæсгæ бадзырд  формæйыл конд  æрцæуæд æмбæлгæ  документтæй».

«Фæсарæн  хъуыддæгты министрадмæ, æххæстгæнæг  хицауады  интересджын   федералон  органтимæ иумæ хæслæвæрд уыд, «сыххæст кæнæд бадзырдтæ Хуссар Ирыстоны  фарсимæ,  хæларады, æмгуыстады æмæ  кæрæдзийæн æххуысы  бадзырды   проекты бацæттæйыл  æмæ  æнхъарæн йæ бафыссыны фæдыл  бæрæг фæлгæттæм æмбæлгæйæ  бавдисæд», – банысангонд у  документы.

Уым ма  афтæдæр дзырдæуы: «Хуссар Ирыстоны Республикæйы  президенты Уæрæсейы Федерацийы  хъахъхъæнынады министрадмæ  куырдиаты фæдыл, барамынды æртыггаг  пункты  бавдыст бадзырд  бафыссыны размæ,  Уæрæсейы  Федерацийы  гарзджын тыхтæ  Хуссар Ирыстоны  территорийыл   сабырадæн  æххуысгæнæгæй  уæд».