Нью-Йоркы, ИНО-йы генералон ассамблея йæ 79-æм сессийы рæстæджы райста Гуырдзыстон æмæ дунейы æндæр æмæ æндæр регионты 63 бæстæйы инициргонд резолюци – «Абхаз, Гуырдзыстон æмæ Цхинвалы регион/Хуссар Ирыстонæй мидæггагон æрцæуæггæгты æмæ лигъдæтты статусы тыххæй, Гуырдзыстон». Резолюцийæн йæ фарсыл рахæцыдысты рекордон нымæц бæстæтæ – 107. Информаци Гуырдзыстоны æггаг хъуыдтæгты министрад парахат кæны.

Министрады информацимæ гæсгæ, Гуырдзыстон 2008 азы майы ИНО-йы Генералон Ассамблейы уæлдæрбанысангонд резолюци бавдисдзæн æмæ йæ нысæнттæ хынцгæйæ, гуманитарон характеры у.

«Резолюцийы æфхæрд цæуынц демографион ивæндзинæдтæ, кæцытæ Гуырдзыстоны Уæрæсейы оккупацигонд регионты тыхæй æххæстгонд цæуынц, бæлвырдгонд цæуы æрцæуæггаг адæймæгтæн, сæ этникон æнæкæсгæйæ, сæ хæдзæрттæм намыс æмæ æдасæй æрыздæхыны бар æмæ акцент кæны сæ исбоны барты кад æмæ хъахъхъæныны æнæмæнгхъæуындзинад.

Йæ гуманитарон контекстæй дарддæр ма, резолюцийæн ис практикон нысаниуæг дæр, уымæн æмæ ИНО-йы генералон нымæрдарæн бахæс кæны резолюцийы реализацийы фæдыл æрвылазон хыгъдлæвæрд бацæттæ кæнын. Уый уæлдай нысаниуæгджын у Гуырдзыстоны оккупацигонд регионты адæймагы барты уæззау уавæры æмæ æхсæнадæмон цæстдарды механизмты æнæуæвынадмæ гæсгæ.

Резолюцийы афтæ дæр сидынц Женевæйы бадзырдты хайадисджытæм, фæкарздæр кæной тыхархайд Абхазы æмæ Цхинвалы регионты æдасдзинад æмæ адæймаджы барты уавæр фæхуыздæр кæныныл, кæцы йæхи рады ахъаз уыдзæн Лигъдæтты сæ хæдзæрттæм æрыздæхыны процессæн.

Фæстаг азты уæлдæр ранымад резолюци ссис глобалон инициативæ, уымæн æмæ йæ æмспонсортæм баиу сты дæсгай бæстæтæ дунейы алы регионтæй.

Резолюцийы фæдыл уынаффæйы рæстæджы, 3-æм июны, Евроцæдис, Иугонд Паддзахад, Литва (Балтиаг æмæ Скандинавийы бæстæты номæй), Канадæ (Австрали æмæ Ног Зеландийы номæй) æмæ Япони сарæзтой фарсылхæцæг расидæнтæ.

Уæлдай нысаниуæгджын у уый, цæмæй Гуырдзыстонæн йæ бон баци резолюцийы фарсылхæцындзинады æрвылазон динамикæ бахъахъхъæнын нæ фæлæ ма фæбæрзонддæр кæнын.

Гуырдзыстоны æттаг хъуыдтæгты министрад бузныг сиды алы уыцы паддзахадæн, кæцытæ резолюцийæн йæ фарсыл рахæцыдысты æмæ инициативæйы æмспонсортæ систы. Ацы уынаффæйæ алы бæстæ дæр ноджы иу хатт йæ фарсыл рахæцыд мидæггагон æрцæуæггæгты æмæ лигъдæтты æрыздæхыны барæн æмæ «Уый равдыста йæ фарсылхæцындзинад алы æрцæуæггагæн», – дзырдæуы информацийы.