Азербайджаны президент Ильхам Алиев арфæ кæны Гуырдзыстоны премьер-министр Ираклий Къобахидзейæн парламентон æвзæрстыты «Гуырдзиаг Бæллиццы» фæуæлахизы фæдыл æмæ йæ Азербайджанмæ хоны.

Алиевы арфæтæ Азербайджаны президенты администраци парахат кæны.

«Цытджын господин премьер-министр, зæрдиагæй уын арфæ кæнын Гуырдзыстоны ауагъд парламентон æвзæрстыты фæстиуджытæ æмæ уæ бæстæйы сæйраг политикон тых, парти «Гуырдзиаг бæллиц – демокративон Гуырдзыстоны» уæлахизы фæдыл. Ацы хъæлæсæппæрстæй Гуырдзыстоны æмбæстæгтæ расидтысты размæцыд, стабилондзинад æмæ традицион аргъдзинæдты фарсылхæцындзинад.

Уырны мæ, цæмæй æвзæрстыты фæстиуджытæ лæггад кæндзысты Гуырдзыстоны алыварсон размæцыдæн æмæ дидинæфтыдæн. Уыимæ иумæ æз æвдисын мæ уырнындзинад, цæмæй æвзæрстыты фæстиуджытæ ахъаз уыдзысты Азербайджан-Гуырдзыстоны æхсæнпаддзахадон ахастыты æнæфæцудгæ рæзтæн, кæцы диктацигонд цæуы нæ адæмты фæндонæй, кæцытæ историон æгъдауæй цардысты хæлардзинады, æфсымæрдзинады æмæ хорз сыхагдзинады уавæрты, æмæ Хуссар Кавказы æмæ уæрæхдæр географийы нæ бæстæты позицитæ дарддæр фидардæр кæнын.

Нæ политикон диалог адарддæр кæнынæн, æмбæлон рæстæджы уæ хонæм Азербайджанмæ официалон визитæй. Уырны мæ, цæмæй нæ бæстæты æмæ адæмты хæрзиуæг, нæ регионы хæрзиуæг æмæ æдасдзинады сæраппонд, дарддæр кæндзыстæм иумæйаг тыхархайд нæ стратегион партнерады фæтыхджындæр кæнынæн æмæ æнтыстджынæй адарддæр кæндзыстæм дыууæфарсон æмæ бирæфарсон кæрæдзийæн пайдайаг архайдтытæ.

Сымахмæ хæццæ кæнын мæ сеппæтæй хуыздæр фæндиæгтæ, Гуырдзыстоны хæларадон адæмæн мæ зæрдæ зæгъы сабырад æмæ дидинæфтыд», – ис фыст Азербайджаны президенты, Ильхам Алиевы фыстæджы.