Азербайджайнаг  газæй  Гуырдзыстоны уылты  Европæ æввонгкæнын  райдайдзæн   цалдæр  мæймæ.  Уый фæдыл  Азербайджаны  президент  Ильхам Алиев  медиимæ ныхасы рæстæджы  райхъусын кодта.

«Кæй зæгъын æй хъæуы,  нæ сæйраг хъусдард  ныр здæхт у  хуссары газы  кæлидор  кæронмæ   бакæныны æрдæм.  Ацы проект  афтæдæр æнтыстджынæй  цæуы æххæст  Нырид кæронмæ хæццæ  кæны  йæ цыппæрæм æмæ фæстаг  проект -«ТАР». Афтæмæй  хъуыды кæнын,  цæмæй  цалдæр мæймæ  Азербайджаны инициативæйæ  æмæ уæрæхмасштабон  æхсæнадæмон  æмгуыстады  фæстиуæгæн,  æнæхъæнæй  кæронмæ сæххæст уыдзæн   кæрæдзиимæ баст  æртæ  газдадзæны   арæзтад, кæцыйы  дæргъ 3 500  километр у æмæ азербайджайнаг газæй  Европæ æввонг кæндзыстæм. Афтæмæй,  хуссары  газы  кæлидор æххæстæй  бацæудзæн эксплуатацимæ. Махæн уый  у иттæг нысаниуæгджын  æмæ  историон фæзынд, уымæн æмæ «Шахденизы»  гуырæнуаты  æххæстæй  скусын кæныны  фадат дæтты», – райхъусын кодта  Алиев.