Местиайы æмæ Уæллаг Сванеты митрополиты, епископ Иларионы расидæнмæ гæсгæ, Гуырдзыстоны рæстдинон аргъуаны рауæрæхгонд аргъуаны совет, кæцыйыл патриарх æвзæрст æрцæудзæн, Æртæиууоны кафедралон аргъуаны сырæздзæн.

Уымæй дарддæр ма, Синоды фæуды фæстæ епископ Иларион куыд расидтис, афтæмæй Сыгъдæг Синоды абоны рабадтыл уынаффæ цыд процедурон æмæ организацион фарстатыл.

Йæ ныхасмæ гæсгæ, уæлдæр ранымадгонд фарстатыл Синоды иннæ рабадтыл ногæй хъуамæ æруынаффæ кæной, æмæ уый фæстæ Патриархийы кандидаттæ æвзæрст æрцæудзысты.

«Синоды рабадтыл ист æрцыд уынаффæ процессуалон æмæ организацион фарстыты фæдыл. Организацион фарстатыл ногæй хъуамæ æруынаффæ кæной радон Синоды, æмæ фæстагмæ, кандидаттæ æвзæрст æрцæудзысты фæстæдæр. Управленийы советы регламент нæ фæивдзæн, уымæн æмæ уæрæхгонд совет хъуамæ ацы хъуыддаг аива, ног Патриарх куы æрцæуа æвзæрст , уæд», – загъта епископ Иларион.

Епископ Иларионы бафарстой, ист æрцыд æви нæ уынаффæ патриархатмæ кандидаты кармæ гæсгæ, кæцыйæн епископ Иларион дзуапп радта: «Нырма ницы. Уый уыдзæн ныхасы темæ æмæ йæ фæстæдæр базондзыстут. Ахуырады фарстайы фæдыл ныхас нæ цыд» – расидтис епископ Иларион.

Сыгъдæг Синоды рабадт, цы ран Патриархийы кандидаттæ æвзæрст æрцæудзысты Гуырдзыстоны Каталикос-Патриархы мæлæтæй 40 боны фæстæ снысан уыдзæн. Æртæ æвзæрст кандидаты æвдыст æрцæудзысты уæрæхгонд аргъуаны советмæ, кæцыйы датæ, æвæццæгæн, сбæрæг уыдзæн Синоды ацы сессийы.

Гуырдзыстоны аргъуаны администрацийы уагæвæрдмæ гæсгæ, Патриархийы кандидат хъуамæ æххæст кæна ахæм домæнтæ: националондзинадæй уа гуырдзиаг, Гуырдзыстоны рæстдинон аргъуаны хистæр сауджын, дины ахуырад æмæ аргъуаны хицауиуæгады фаг фæлтæрддзинад, уа цыппор азæй хистæрдæр æмæ æвдай азæй фылдæр ма хъуамæ уа, æмæ хъуамæ уа моладзан.