Гуырдзыстоны радиойыл 100 азы сæххæст ис. Раст иу æнусы размæ, 1925 азы Гуырдзыстоны райдыдта фыццаг радиобакаст.
Технологитæ æмæ социалон хызæгты рæзтмæ нæ кæсгæйæ, радио нырма дæр хъахъхъæны йæ хъусæгты, йæ нишæ æмæ йæ актуалондзинад.
“Абон æххæст кæны 100 азы, æнус, Гуырдзыстоны фыццаг эфирæй. Гуырдзыстоны радио Европæйы иуæй-иу фыццаг райдыдта эфир. Нæ радио хъахъхъæны уникалон архив – “Сыгъзæрин фонд”. Ацы историон фыстæгтæ сты нæ бæстæйы культурон бынтæ æмæ нацийы мысынады æнæфæхицæнгæнгæ хай. Уый тыххæй дæр радиойы 10 азы юбилей нысангонд цæуы сæрмагондæй цау, кæд æмæ гуырдзиаг радиоуагъды æнæфæцудгæ традицийæн лæвæрд æрцыд æнæматериалон культурон бынты цыртдзæвæны статус.
Гуырдзыстоны гыццыл тыхы исæн æмæ æрвитæн станцæты арæзтад райдыдта 1918 азы. 1924 азы Тбилисы æххæстгонд æрцыд фыццаг бафæлвæрд телæй радиоадæттæн — оперæ «Кармен» эфиры цыд оперон театрæй Электромеханикон фабрикæйы клубмæ (цыран уыд радиойы цех).
«Сыгъзæрин фонды» архивон æрмæджыты ис милуангай фыстытæ, уыцы нымæцы рагон адæмон зарджытæ æмæ стыр традицитимæ радиотеатр. «Сыгъзæрин фонды» фыццаг фыст æрцыд 1913 азæй, патефонæй Акакийы «Аиси» куы ныффыстой, уæд. Ацы фыст хронологонæй æмæ нысаниуæгджынæй у фыццаг гуырдзиаг аивадон радиоэфиры, уымæ гæсгæ нымад цæуы «Хоры фонды» фыццаг экспонатыл.
Радиойы «Сыгъзæрин фонд» у бæстæйы хъæлæсон хроникæ, кæцыйы ис гуырдзиаг фысджыты, æхсæнадон æмæ политикон архайджыты фыстæгтæ: Джавахишвили Иване, Каухчишвили Симон, Шанидзе Акаки, Кецховели Нико, Табидзе Галактион, Леонидзе Гиоргий, Робакидзе Григол, Сараджио, Вансико, Версико Анджапаридзе æмæ æндæртæ. Фонды хъахъхъæд цæуынц æппæтдунеон нысаниуæг кæмæн ис, ахæм дунейы зындгонд архайджыты уникалон аудиофыстæгтæ. Афтæ дæр радиоархивы хъахъхъæд цæуынц гуырдзиаг радиоуагъды райдайæнты, йæ фыццаг эфирты ахсджиагдæр документалон æрфыстæгтæ. Алы æрмæгæн дæр ис йæхи уникалон биографи.
Абон Гуырдзыстоны радиойы дыууæ каналы сигналтæ ис гæнæн æнæхъæн бæстæйы – FM 102.3-ыл, æмæ Гуырдзыстоны радио музыкæйы эфиртæ FM 100.9-ыл.
Афæдзæй-афæдзмæ, Гуырдзыстоны радиойы программæ фылдæрæй фылдæр алыхуызон кæны æмæ нырыккон технологитæ æмæ домæнтæм гæсгæ адаптацигонд цæуы.
