Гуырдзыстоны прокуратурæ «Мтаварийы» фæдыл расидæн рапарахат кодта.

Фæдæвзарæн уагдоны фидиуæны куыд банысангонд у афтæмæй, Гуырдзыстоны сæйраг прокуратурæ абон, тæрхонгæнæджы æскъуыддзагыл бындурæвæрдæй, телекомпани «Сæйраг къанал»-мæ бахатыд финансон документацийы тыххæй, уыцы фæдагуырды фæлгæтты, кæцы уыцы иу телекомпанийы директор, Гиоргий Курдадзейы хъастмæ гæсгæ райдыдта.

«Уынаффæтæ, фæдагурæн архайдтыты фæлгæтты райсгæ документаци æмæ электронон информацийы агурыны æмæ дарддæр æрвитыны нысанæн, официалон æгъдауæй лæвæрд æрцыдысты ООО «Мтавари» æмæ подрядон компанийы барлæвæрд минæвæрттæм, æмæ сын лæвæрд æрцыд æмбæлон æмгъуыд документтæ æрвитынæн.

Гуырдзыстоны прокуратурæ куыстуаты къухдариуæггæнæг бартæй æнæзакъонæй спайда кæныны, развæлгъау бадзырдæй юридикон уæнгмæ хауæг æхцайы фæрæзтæ æнæзакъононæй æрцахсыны æмæ æнæзакъонон æфтиæгты легализацийы фактты фæдыл фæдæвзарæн райдыдта.

«Гуырдзыстоны прокуратурæ æхсæнадæн фехъусын кæндзæн фæдагуырды цыд æмæ фæстиуджыты тыххæй» – ис фыст прокуратурæйы расидæны.