Традиционæй иу сфидар вæййы  преми  Олимпион  хъæзтыты размæ æмæ ацы  цауы дæр, Гуырдзыстоны  хицауадæй  Олимпион Чемпионтæн   милуан лари рауæлдай уыдзæн, – уый фæдыл Гуырдзыстоны премьер-министр  Ираклий Къобахидзе  Олимпион хъæзтытыл  гуырдзиаг  олимпийæгты  афæндараст кæныны  церемонийыл дзырдæй ралæуды рæстæджы райхъусын кодта.

Ираклий Къобахидзе куыд банысан кодта  афтæмæй,   адарддæр уыдзæн  æххуыс  гуырдзиаг спорты, гуырдзиаг  олимпийæгтæн, Олимпион балæнс æмæ ацы  æххуыс  афæдзæй-афæдзмæ  ноджы  сбирæ дæр уыдзæн.

«Æрдæг милуан лари рауæлдай уыдзæн æвзист майданы цауы, 250 мин  лари, бронзæ  призерæн.  Уырнæг  дæн,  уæлæмхас  мотиваци  уæ нæ хъæуы, цæмæй  кæронмæ  тох кæнат Чемпиондзинадæн, фæлæ, кæй  зæгъын æй хъæуы, уый у  уæлæмхас фактор, кæцы  уын æвæццæгæн уæ мотиваци фæтынг кæндзæн.

Фæнды мæ  дзырд уын раттон Гуырдзыстоны хицауады номæй, цæмæй адарддæр уыдзæн æххуыс  гуырдзиаг спорты, гуырдзиаг  олимпийæгтæн, Олимпион балæнс æмæ ацы  æххуыс  афæдзæй-афæдзмæ  ноджы  сбирæ дæр уыдзæн.  Æнтыстджын ерыс  уын куыд  уа Олимпион хъæзтытыл,  уыцы арфæтæ уын дзуры мæ зæрдæ», – райхъусын кодта Ираклий Къобахидзе.