Гуырдзыстоны премьер-министр, Ираклий Къобахидзе Европолитикон Цæдисы фæндзæм саммиты фæлгæтты дискуссийы «Экономикон æдасдзинад æмæ иукæнынады» темæйыл панел-дискуссийы хайад райста. Уый фæдыл информаци хицауады администраци парахат кæны.

Уагдоны информацимæ гæсгæ, æхгæд форматы дискусийы ралæуды рæстæджы хицауады сæргълæууæг экономикон диверсификацийы нысаниуæгыл баххæсыд, кæцы экономикæйы æнæфæцудгæ рæзтæн ахъаз кæны.

«Ираклий Къобахидзе афтæ дæр бахахх кодта Гуырдзыстоны ролыл Евроцæдисимæ бастдзинад фæхуыздæр кæныны æрдгæй æмæ фæныхас кодта транспорты сферайы цæугæ æмæ плангонд стыр инфраструктурон проекттыл, кæцыты æхсæн сты Скæсæн-Ныгуылæн стыртагъд автомагистралы фæуды фæдыл æфсæнвæндаджы модернизаци æмæ Анаклийы арфдоны наулæууæны арæзтад.

Премьер-министр йæ раныхасы афтæ дæр хъусдард аздæхта энергетикон æдасдзинады нысаниуæгдзинадмæ æмæ Сау Денджызы дæлдон телты проекты ролыл. Уый афтæ дæр фæныхас кодта транзитон потенциалыл æмæ банысан кодта, цæмæй Гуырдзыстон уæрæхдæр регионы Евроцæдисы æууæнкджын æмæ нæфæсайгæ партнер у. Æхгæд форматы дискусийы, кæцыйы сæрдариуæг кодта Латвийы премьер-министр, Эстони, Португали, Серби, Турк, Сомихстон, Босни-Герцеговинæ, Украинæ, Молдовæ æмæ æндæр бæстæты лидертæ истой хайад», – ис фыст хицауады парахатгонд информацийы.