Европарламент Гуырдзыстоны фæдыл фондз къорды бавдыст æнæхæсджын резолюци сбæлвырд кодта. Документæн йæ фарсыл рахæцыдысты 444 Европарламенты, 72 йæ ныхмæ схъæлæс кодтой, 82 та сæхи баурæдтой.

Документы сæргонд у «Фæстаг парламентон æвзæрстыты фæстæ æмæ æнхъæлмæкæсинаг æвзарæнон сайды фæстæ Гуырдзыстоны фæкарздæр демократон кризис».

Хъæлæсæппæрсты рæстæджы, Европарламенты уæнгтæ резолюцимæ иу ивæндзинады фарсыл рахæцыдысты, кæцы Гуырдзыстоны президент Саломе Зурабишвилимæ сиды, спайда кæна йæ конституцион барæй Михаил Саакашвилийæн ныххатыр кæна.

Резолюцийы куыд банысангонд у, афтæмæй уый тæрхон кæны уыцы фактæн, цæмæй Евроцæдисмæ бацæуыны кандидат бæстæ Гуырдзыстон 2024 азы 26 октябры парламентон æвзæрстытæ сарæзта, кæцытæ нæ æххæст кæнынц демокративон æвзæрстыты дунеон стандарттæн кæнæ йæ хæстæ, куыд ОБСЕ-йы уæнг, ауадзын сæрибар æмæ рæстаг æвзæрстытæ; нысан кæны, цæмæй æвзæрстыты рæстады хæлд æнæбаст у Евроцæдисы кандидат бæстæйæ æнхъæлмæкæсинаг стандарттимæ; Уый банысан кæны уыцы факт, цæмæй æвзæрстыты ауадзын уыд демократион фæстæмæздæхты ноджы иу равдыст, кæцыйæн æххæстæй дзуапп дæтты хицаугæнæг парти.