Гуырдзыстоны æмбырдгонд баскетболæй Европæйы чемпионатмæ цæттæ кæны. Командæ ныртæккæ ис Польшæйы, цыран бынæттон командæимæ контролон матч ауагъта æмæ 89:94 фæхæрд ис.

Евробаскетмæ фæндагыл гуырдзиæгтæн уый уыд цыппæрæм хæларадон матч. Алы фембæлдæн дæр ис хицæн нысаниуæг, фæлæ Израиль, Эстони æмæ Лиетувæимæ фембæлдтытæм гæсгæ хатдзæгтæ скæнын зын уыд. Польшæйы командæимæ фембæлд дæр нын нæ ратдзæн уыцы ныв, кæцымæ æнхъæлмæ кæсæм Евробаскетмæ. Уæлдайдæр та уымæн æмæ капитан Торнике Шенгелия нæ хъазыд. Уый Гуырдзыстоны командæимæ уыдзæн иннæ матчы Чехиимæ.

Нæ командæ фыццаг тайм ахъазыд дыккагæй бирæ хуыздæр. Райдианæй бæрæг уыд, тренер Александр Дзикич полякты ныхмæ агрессивон хъахъхъæнынады кæй архайдта. Ныхмæлæууæгæн зын уыд æхсын периметрæй æмæ суанг æртæ секундон нысанæй дæр, йæ очкоты фылдæр хай æхста астæуккаг дистанцийæ.

Командæ, кæцыйы тренер у Александр Джикич, 19 августы Чехиимæ радон матч ацæудзæн, Евробаскет та 28 августы Испаниимæ фембæлдæй райдайдзæн.