Гуырдзыстоны авд  сеппæтæй  стыр  горæты, æхсæвы сахатты   змæлдыл   арæнæвæрдтæ  абонæй скусдзысты.  Тбилисы, Кутаисы, Батумы, Руставы, Зугдиды, Гур æмæ Поты  змæлд  арæнгонд уыдзæн  22:00 сахатæй  сæумæрайсомы  05:00 сахаты онг. Уынаффæ  æхсæнуагдонон  координацион совет  7 ноябры  рабадтыл   рахаста.

Арæнæвæрдтæ  æххæссы  куыд  фистæгтæм, афтæма  транспортæй  æмæ  хисæрмагонд хæдтулгæтæй чи пайда кæны,  уыдонмæ.

Координацион советы уынафæйæ,  арæнæвæрд  нæ баххæсдзæн: æхсæнадæмон уæзты ласынмæ;  оперативон  штабимæ разыйæ, уыцы  уæнгтæм æмæ  автотранспортон   фæрæзтæм, кæцыты   змæлд критиконæй   æнæмæнгхъæугæ у  кусæн  æххæстбарты  сыххæст кæнынæн, сæ нымæцы, медицинон æмæ   фармацевтон   нысаниуæгы, стратегион  нысаниуæгы  объекттæм æмæ  медийы  минæвæрттæм æмæ  курьертæм.

Советы  уынаффæйæ, алы организаци  кусдзæн 22:00 сахаты онг, медицинон  æмæ фармацевтон, афтæма  стратегион  нысаниуæгы  объекттæй дарддæр.

Вице-премьер Майя Цкитишвили  куыд райхæлдта, уымæ гæсгæйæ,   уæлæмхас ранæй-ран  арæнæвæрдты фæлгæтты,  змæлдыл  уагæвæрд   арæнæвæрд халыны тыххæй, физикон уæнгæн рагхыгъд у  2000 ларийы бæрц  ивар,  юридикон уæнгæн  та 10 000  ларийы бæрц. Афтæма йæ  ныхæстæм гæсгæ,   фæнысангонд  санкцитæ  бæрæг сты законæй, кæцы регулир кæны  карантины мадзæлттæ.