Темур Катамадзейы, кæцыйы Батуйы протесты рæстæджы æрцахстой, йæ æххормаг протесты 48-æм бон медицинон уагдонмæ фæхæццæ кодтой. Ай фæдыл информаци Гуырдзыстоны æвзонг юристты ассоциаци парахат кæны.

Организаци  куыд фыссы афтæмæй, Катамадзейæн фæстаг медицинон басгæрст 15-æм февралы сырæзт, æмæ знон сразы ис, цæмæй йæ клиникæмæ акæной йæ æнæниздзинад сбæрæг кæнынмæ.

«Бирæнымæц куырдиæттæм нæ кæсгæйæ, Мидхъуыддæгты министрады миграцион хайад нын нæ радта информаци йæ æнæниздзинады уавæры тыххæй 9 февралы фæстæ, нæдæр медицинон документаци 15 февралы медицинон уагдæтты уагъд иртæстытæ æмæ бæрæггæнæнты тыххæй». Темур Катамадзе йæхæдæг куыд банысан кæны афтæмæй, ацы æххормагдзинады периоды уый ныридæгæн 20 килограммæй фылдæр фæцудыдта, йæхи æнкъары лæмæгъ æмæ йын зын у сæрибарæй змæлын, цæй тыххæй дæр знон сразы ис, цæмæй йæ клиникæмæ аласой йе ‘нæниздзинад сбæрæг кæнынмæ.

Тбилисы горæтон тæрхондон 18-æм марты æркæсдзæн уымæн лигъдоны кæнæ гуманитарон статус раттыны фарстамæ. «Фæнысангонд быцæуы фæлгæтты Темур Катамадзе хъаст кæны мидхъуыдтæгты министрады миграцион департаменты æскъуыддзагыл, кæцы æнæбындуронæй не сразы йæ куырдиат бадæттыны фæстæ 3 боны мидæг лигъдоны кæнæ гуманитарон статус раттыныл» – фыссы Гуырдзыстоны æвзонг юристты ассоциаци.