Гуырдзыстоны паддзахадон æдасдзинады куысты контртеррористон центр, фæсарæйнаг террористон организацийы хайадист æмæ террористон архайдтытæн æххуысы фæдыл фæдагуырды фæлгæтты, Ачъарайы регионы фондз æндæр æмæ æндæр бынаты спецопераци сарæзта. Гуырдзыстоны æртæ æмбæстаг æрцахстой.

Уый фæдыл ПÆК-ы сæргълæууæгы фыццаг хæдивæг Лаша Магърадзе специалон брифингыл расидтис.

«Террористон ныхмæ тохы центры уагъд оперативон басгæрсты æмæ фæдагуырдон мадзæлтты рæстæджы райсгæ бæлвырдгæнæнтæм гæсгæ, рабæрæг сты бæрæг террористон архайдтытæ. Афтæхуыйнæг  “Такбиристты” джамааты уæнгтæн, кæцытæ террористон идеологийыл хæст сты, уыд бастдзинæдтæ фæсарæнты уæвæг «Исламон паддзахады» террористон организацийы æндæвдадджын разамонджытимæ. радикалон экстремистон идеологийыл. Ацы адæймæгтæ уыдысты уæлдай агрессивон æндæр динты фæдонтæм.

«Уæвæг информацимæ гæсгæ, ацы къорды уæнгтæ план кодтой Гуырдзыстонмæ «Исламон паддзахады» террористон организацийы æндæвдадджын уæнгты æнæзакононæй æрбакæнын æмæ сæ къухдариуæгадæй бындур саразын. Уыдон æнæзакононæй райсдзысты æмæ æрбынат кæндзысты æмзонд адæймæгты, æххæст кæндзысты логистикон æххуыс æмæ спайда кæндзысты Гуырдзыстоны территорийæ куыд транзитон зонæйæ террористон нысанæн.

Райсомæй раджы уагъд фæдæвзарæн мадзæлтты фæстиуæгæн ист æрцыдысты дзаумæттæ, кæцытыл уыд террористон символтæ, рæмудзæн æрмæджытæ, стыр бæрц хæцæнгæрзтæ æмæ æхсæнгарз, æфсæддон техникæ, мобилон телефонтæ æмæ æндæр электронон фæрæзтæ, кæцыты ис информаци, афтæ дæр нысаниуæгджын суммæтæ æндæр æмæ æндæр валютæты æмæ æндæр ахсджиаг бæлвырдгæнæнтæ.

Фæдагуырд уагъд цæуы Гуырдзыстоны уголовон кодексы 236 æмæ 328 статьятæм гæсгæ, кæцытæ æнæзакононæй зынгæхсæн æрмæг, хæцæнгæрзтæ æмæ рæмудзæн æрмæг райсын æмæ дарын, фæсарæйнаг террористон организацийы хайадист æмæ террористон архайдтытæн æнцонвадат кæнын дары йæ зæрдыл. Фыдракæндæн æфхæрд цæуы 17 азы онг ахстæй», -расидтис Лаша Магърадзе.