Гуырдзыстоны абон саударæн бон у.  25 август Гуырдзыстоны саударæн бонæй Шатилы фæндагыл æрцæугæ трагедийы рæстæджы фæмардуæвджыты ном ссарынæн расидтæуыд.

25 август саударæн бонæй расидыны фæдыл  уынаффæ Гуырдзыстоны  премьер-министр  Гиорги Гахариа  знон бафыста.

Саударæн   бонмæ гæсгæ,  Гуырдзыстоны æппæт территорийыл, алы  администрацион   бæстыхæйттыл паддзахадон  тырысатæ  бынмæ æруагъдтой.

Душеты муниципалитеты, Шатилы  фæндагыл, фæндагон-транспортон цауы фæстиуæгæн 17  адæймаг фæмард.  Уæззау  зиæнттæ  райстой  æртæ  бæлццон.  Бæлццонон  микроавтобус 80  метр  бæрзæндæй  ахауд  адагмæ.  Мидхъуыддæгты министрад факты фæдæвзарын Гуырдзыстоны тугтæрхонон барады кодексы  276-æм статийæ  райдыдта.