Гуырдзыстоны  кусын райдадайдзæн ноджы иу  æхсæнадæмон IT компани, испайнаг «Making Science», кæцы  инвестици нывæрдта  гуырдзиаг IT компани  «Sweeft Digital»-ы.  Ацы æмгуыстадæй «Making Science» Гуырдзыстонæй  кусдзæн  æмæ   гуырдзиаг компаниимæ  иумæ  лæггад кæндзæн  æхсæнадæмон клиенттæн.

Экономикæ æмæ æнæфæцудгæ рæзынады  министры хæдивæгы Ираклий Надареишвилийы  фидиуæнæй,  ацы æмгуыстады фæстиуæгæн, «Sweeft Digital»-ы  фæллойгæнæг  цалдæр сæдæ  нæ æмбæстонмæ уыдзæн фадат, суа  ставд IT компанийы  уæнг, лæггад кæна  æхсæнадæмон базартæн  æмæ сбæрзонддæр кæна  йæ квалификаци.

Гуырдзыстоны хицауады ивгъуыд азы хаст уынаффæйæ, IT компанитæн, кæцытæ  экспортыл сты ориентацигонд æмæ самал кæндзысты æхсæнадæмон  компанийы  статус,  æфтиагæй хъалон 5%-ы онг фæкъаддæри. Уый фæстиуæгæн та, Гуырдзыстонмæ æрбахызстысты  ахæм ставд IT  компанитæ, цахæмдæр сты  «Эпам»  æмæ «Эксадел», кæцыты абоны бонмæ  цалдæр сæдæ Гуырдзыстоны æмбæстаг кусы.