Грецийы  хицæн  телекомпани  Skai-ы офисы цур   срæмыгъд æрцыд. Агентад  Associated Press-ы информацийæ,  инциденты  фæстиуæгæн  зиан ничи  райста, фæлæ бæстыхай  банкъаринагæй  базиан ис.

Срæмыгъд  Афинæты  донбыл  районы æхсæвы рæгмæ, бынæттон рæстæгæй  02:35 сахатыл æрцыд. Уæдмæ  телекомпанимæ,  бомбæйы уæвыны  фæдыл   телефонон хъусинаг  бацыд,  уый тыххæй дæр бæстыхайæ адæм эвакуиргонд уыдысты.

Срæмыгъды  фæстиуæгæн   базиан ис бæстыхайы  фасад, ныцъцъæл сты  æвгтæ. Афтæдæр базиан ис  хæстæг лæууæг  автомбилтæ æмæ   цæрæн хæдзæрттæ.

Развæлгъау  бæрæггæнæнтæй, рæмудзæн  гарзæг, телеуынынады  бæстыхайæ æддæйæ  æфсæйнаг  æмбондыл уыд  монтажгонд.

Æрцæугæйыл бæрн йæхимæ нырма ничи райста.  Фæлæ  ивгъуыды ультрагалиу   радикалон  къордты  æмæ  анархистон   организацитæ  Грецийы  æнæ иу  медиафæрæзмæ  бырст  сæххæст кодтой.