Кремлы нæ фæнды, цæмæй Гуырдзыстон æмæ Молдова сæхæдæг сбæлвырд кæной сæ фидæн æмæ аразы алцыппæт, цæмæй демокративон процесстæн зиан æрхæсса, – уый фæдыл Лиетувæйы президент Гитанас Науседа «Твиттеры» фарсыл ныффыста.

Науседа куыд фыссы, афтæмæй ма хъуамæ бауадзой «гуырдзиаг æмæ молдоваг адæмæн европæйаг бæллицæй фæхицæн уæвын».

«Уæрæсе Евроцæдисы сыхаг гибридон операцитæ фылдæр кæны. Уымæн æвдисæн сты Гуырдзыстоны парламентон æвзæрстытæ æмæ Молдовайы Евроцæдисы фæдыл референдум. Кремль нæ фæнды, цæмæй Гуырдзыстон æмæ Молдова сæхæдæг сбæлвырд кæной сæ фидæн æмæ алцыппæт аразы, цæмæй демокративон процесстæн зиан хæсса. Евроцæдисæн нысаниуæгджын у, цæмæй ма ныууадза гуырдзиаг æмæ молдоваг адæмы. Мах сын хъуамæ ма бауадзæм европæйаг бæллицæй ацæуын. Хъуамæ æххуыс кæнæм æмбæстагон æхсæнадæн æмæ æххæст кæнæм, цæмæй адæмы хъæлæстæ уой æскъуыддзаггæнæг сæ бæстæты фидæн сбæлвырд кæныны хъуыддаджы», – фыссы Гитанас Науседа.