Лиетувæ удцырын у Украинæйæн æххуыс кæнын йæ æмтгæйон мидпродукты 0,25%-æй æрвылаз – уый фæдыл Лиетувæйы президент Гитанас Науседа журналисттæн Евроцæдисы лидерты æнæнхъæлæджы саммиты размæ фехъусын кодта.

Йæ ныхасмæ гæсгæ, уый фæндон хæссы, цæмæй Евроцæдисы уæнг бæстæтæ снысан кæной индикативон æмгъуыд Украинæйы Евроцæдисмæ баиу кæнынæн.

«Лиетувæ цæттæ у йæ хайбавæрд бахæссын фондмæ, уымæн æмæ мах æрвылаз дæр æххуыс кæнæм Украинæйæн нæ мидæггагон продукты 0,25%-æй». Мах банымадтам, цæмæй æндæр бæстæтæ дæр ахæм суммæ бафидынмæ разы куы уыдаиккой, уæд Украинæ райстаид 43 миллиард евро æмæ уый бирæ у. Ныртæккæ сæ растдæр уый хъæуы. Нысаниуæгджын у Украинæйæн политикон фарсылхæцындзинад дæр. Уымæ гæсгæ, лидертæн æрхъуыды кæнын, цæмæй снысан кæнæм бæрæггæнæн æмгъуыд Украинæйы Евроцæдисмæ баиу кæнынæн, зæгъæм, 2030 азы 1 январы. «Уый нæ уыдзæн юридикон æскъуыддзаг, фæлæ уыдзæн нæ политикон хæс, снысан кæнæм фæндаг æмæ æрвитæм иттæг бæлвырд фæндагамонæг нæ украинаг хæлæрттæн, кæцытæн хъæуы нæ æрмæст æфсæддон æмæ финансон, фæлæ ма махæй дæр политикон æххуыс» – райхъусын кодта Науседа.