Парти «Гахариа – Гуырдзыстонæн» сæрдар Гиоргий Гахариа ОБСЕ-йы парламентон ассамблейы президент Пиа Куамæмæ официалон фыстæг арвиты.

Гахариайы фыстæджы куыд ис банысангонд афтæмæй, уый сиды Пиа Коумæмæ, ногæй ахъуыды кæна Тбилисмæ йæ визиты нысан æмæ рæстæгмæ, цæмæй визит æххæстæй æмдзу кæна ОБСЕ-йы парламентон ассамблейы миссиимæ – демократийы, дзуаппдæттæндзинады æмæ адæймаджы барты хъахъхъæды принциптимæ .

« Арф тыхстдзинадимæ уæм фыссын уæ плангонд визит Тбилисмæ Гуырдзыстоны политикон кризисы ацы æнæмæнгхъæугæ этапыл. Кæд æмæ ОБСЕ-йы парламентон ассамблейы президентæй уæ къухдариуæгад раппæлинаг у, уæддæр ацы визиты рæстæг æмæ контекст æвзæрын кæны нысаниуæгджын фарстытæ йæ гæнæн фæстиуджыты тыххæй гуырдзиаг адæмы рæстдзинады  тохæн æмæ Гуырдзыстоны европон фидæнæн. Ныр 39 боны дæргъы гуырдзиаг адæм сабырадон протесттæ уадзынц уæлдай тых æмæ æнæфæцудгæдзинадæй, кæцыйы нысан у рæстад, дзуапдæттæндзинад æмæ Гуырдзыстоны европон фæндаг сног кæнын. Ацы уæззау периоды æнæмæнгхъæугæ у Гуырдзыстоны æмцæдисонты æмæ хæлæртты фарсылхæцындзинады хуыз, кæцы бæлвырд кæны, цæмæй гуырдзиаг адæмы тох авторитаризмы ныхмæ æрмæст нымад нæу, фæлæ ма активонæй æххуыс кæны дунеон æмæхсæнад.

Фæлæ Иванишвилийы режимы рæстæджы ахæм визиттæ хæссынц рискъ, цæмæй пропагандæйæ спайда кæной легитимондзинады иллюзи саразынæн. Уымæй уæлдай ма, режим системон æгъдауæй ницæмæ дары демократон нормæтæ æмæ æхсæнадæмон стандарттæ, æмæ адæмы адæймаджы барты серьезон хæлдтыты тыххæй дзуапп дæттыны бæсты, уый дæтты хæрзиуджытæ æмæ раразмæ кæнын. Ацы архæйдтытæ сты адæймаджы барты уагæвæрдты ирд æнæхъусдард æмæ авторитаризмы тыхджындæр кæнын. Ацы ахсджиаг рæстæджы режимимæ цыфæнды ахастытæ дæр хъуамæ бындуриуæг кæной бæлвырд æмæ æнæфæцудгæ уавæртыл. Фыццаджыдæр хъæуы æвæстиатæй æмæ æнæбары ссæрибар кæнын æппæт æнæзакъонæй ахст æмæ æгъатырæй цæфгонд политикон ахæстты. Уымæй дарддæр ма, диалог хъуамæ æрмæстдæр æркæса ног, сæрибар æмæ рæстадон æвзæрстыты æвæстиат æнæмæнгхъæуындзинадмæ, цæмæй гуырдзиаг адæм демокративон фидæныл æууæнк сног кæна. Ацы уæлæмхасæнтæ куы нæ уа, уæд режимимæ цыфæнды ахастытæ дæр рискъ кæнынц йæ репрессивон архайдтытæ легитимаци кæнынæн æмæ авторитаризм ноджы тынгдæр фидар кæнынæн.

Сидын уæм, цæмæй ногæй ахъуыды кæнат уæ визиты нысан æмæ рæстæгмæ Тбилисмæ, цæмæй визит æххæстæй æххæст кæна ОБСЕ-йы парламентон ассамблейы миссийæн – демократийы принциптæ, дзуаппдæттæндзинад æмæ адæймаджы барты хъахъхъæд. Кæд æмæ диалогы размæцыдæн стыр аргъ цæуы, уæддæр ацы этапыл уæ визит æмæ нæ фембæлд нысангонд нысæнттæ нæ баххæст кæндзысты. Нысаниуæгджын у, цæмæй уæ бастдзинад æвдисы гуырдзиаг адæмы хъæлæс, кæцытæ сæ демокративон бартæ æмæ бæллицтæ хъахъхъæнынц уæлдай хъару æмæ хъæбатырдзинадæй. Бузныг, ацы ахсджиаг фарстамæ уæ хъусдарды тыххæй. Уырны мæ, цæмæй ОБСЕ-йы парламентон ассамблея фидарæй йæ фарсыл рахæцдзæн гуырдзиаг адæмы тох рæстад, сæрибардзинад æмæ демократийы сæраппонд», – ис фыст фыстæджы.