Гиоргий Гахариа, «Гахариа – Гуырдзыстоны фарс» лидер расидтис, цæмæй партийы нæ, фæлæ æрмæст адæмы протестмæ баиу уыдзысты. Афтæ дзуапп радта Гахариа журналисты фарстæн, баиу уыдзæн æви нæ парти æнæрлæугæ протестмæ, кæцыйы расидтысты æндæр оппозицион партитæ.
«Кæй зæгъын æй хъæуы, мах рахæцдзыстæм адæмы протестæн æмæ партион протестæн нæ… Кæд нæ фæнды партион протест, уæд ацы протест нæхæдæг сорганизаци кæндзыстæм. Куыд уæм кæсы, митингы организ кæнын проблемæ у» – расидтис Гиоргий Гахариа.
Гахариайы ныхасмæ гæсгæ, ныр æнæнхъæлæджы рæстæг нæу, ныр у рæстæг, цæмæй алы амæлттæй бахъахъхъæнæм Гуырдзыстоны алы æмбæстагы хъæлæс. Йæхи расидæнмæ гæсгæ, алчидæр хъуамæ бахатыд уыцы æмбæлон протесты формæтæм, кæцыты нысан уыдзæн æмбæстæгты æвзæрст, европон фидæн æмæ æвзæрстыты институт бахъахъхъæнын.
«Мах иттæг æнгом æмгуыстад кæнæм æхсæнадæмон цæстдарæг мисситимæ, афтæ дæр бынæттон цæстдарæг мисситимæ, æмæ æппæт уыцы информаци, кæцы нæ минæвæрттæ райстой бынæтты, уыдонмæ æмæ æмбæлон фæдагурæн органтæм ратдзыстæм. Иумæ, сæ нымæцы политиктæ дæр хъуамæ тох кæнæм Гуырдзыстоны æмбæстæгты хъæлæсæппæрсты бар бахъахъхъæныны тыххæй. Дыккаг, мах хъуамæ хъахъхъæнæм æвзæрстыты мидис, куыд демокративон институт, хицауады сабырадон ивды институт. Æртыккаг – æвзæрстыты фæстиуджыты бахъахъхъæнын комкоммæ баст у бæстæйы европон фидæны бахъахъхъæнынимæ. Æз фидарæй зæгъын, æз уæ курын æмæ уæ хорзæхæй, ныр ныфссаст кæныны рæстæг нæу. Ныр у æхсæвæй-бонæй куысты рæстæг æмæ не ‘ппæты дæр хъæуы бамбарын, æппæтмæ æнæкæсгæйæ, «Бæллиц» фæстаг мæйты æмæ уæлдайдæр та знон цы сарæзта, уый фæстæ абонæй лæмæгъдæр никуы уыдысты, мах иууылдæр хъуамæ баиу уæм уыцы формæты æмбæлон протесты, кæцыйы нысан уыдзæн æмбæстæгты æвзæрст бахъахъхъæнын, европæйаг фидæн æмæ æвзæрстыты институт», -расидтис Гиоргий Гахариа.