Парламенты фыццаг вице-спикер, Гия Вольскийы ныхасмæ гæсгæ, радикалон оппозицийы хæс у Гуырдзыстоны куыдфæнды хуызы бафтауын дестабилизацийы æнæфæстæмæздæхгæ процессмæ.
Вольскийы ныхасмæ гæсгæ, дестабилизаци æрцæудзæн социалон сферæйыл æмæ уый у оппозицийы нысан.
«89 нæ, фæлæ 76 мандаты фаг сты, цæмæй Парламенты авторитет банымайæм. Абон радикалон оппозицийы хæс у Гуырдзыстоны исты хуызы бафтауын дестабилизацийы æнæфæстæмæздæхгæ процессмæ, сæ архайдтытæ расайой ныхмæлæуды ахæм æмвæзад, кæцы æнæмæнгæй æркæндзæн тугкалдмæ æмæ нын нæ иуæй-иу фæсарæйнаг партнерты минæвæртты диктацигонд Майданы сценарий чи æрцыд Гуырдзыстонмæ, æрмæст парламенты минæвæрттæ нæ фæлæ ма бæрзонд бæрнон кусджытæ дæр, кæцытæ сты фæсарæйнаг уагдæттæ разамынд дæттынц.
Ацы реалондзинад æввахс фидæны ивдзæн, æмæ цалынмæ ивд æрцæуа дунейы политикон процессты, уæдмæ, уыдон архайынц исты хуызы ацы радикализацийы дестабилизаци кæныныл. Дестабилизаци æркæны экономикон процессты æрлæууынмæ, фæцæудзæн социалон сферæйыл, адæмы æрвылбонон цард фæхуыздæр кæныны перспективæйыл, æмæ хæслæвæрд, нысан, кæй зæгъын æй хъæуы, уый у. Алчидæр æй уыны. Мæнмæ гæсгæ уыцы адæймæгтæ, кæцытæ ацы процессты фæдыл цæуынц, нымад æрцæудзысты Гуырдзыстоны ныхмæ фыдвæнды хайадисджытæй», -расидтис Гия Вольски.