Германийы фæсарæн хъуыддæгты министры бынатмæ раразмæгонд у Иоханн Вадепуль, кæцы раздæр Бундестагы Хуссар Кавказы хæлардзинады къорды сæрдар уыд. Германийы æхсæнадон Уацхæссæг куыд фыссы афтæмæй, Чырыстон Демокративон Цæдис снысан кодта уыцы министрты, кæцытæ Германийы ног хицауады бынæтты бацахсдзысты.

Бæрæг куыд у, афтæмæй Чырыстон Демокративон Цæдисы уæнгтæ Германийы фидæны канцлер Фридрих Мерцы хицауады 17 министрадæй авд райсдзысты.

Фæсарæн хъуыддæгты министры пост ахсдзæн 62 аздзыд консервативон политик Иоханн Вадепуль, кæцы ацы рæстæгмæ кусы Бундестагы Чырыстон Демокративон Цæдисы фракцийы сæрдары хæдивæгæй æмæ дзуапп дæтты æттаг æмæ хъахъхъæнынады политикæйæн.

Банысанкæнинаг у уый, æмæ Уаддепол раздæр уыд Бундестагы Цæгат Кавказы хæлардзинады къорды сæрдар æмæ Гуырдзыстонмæ дæр уыд визиты.

Вадепуль йæ фарсыл рахæцыд, цæмæй Украинæ немыцаг хæцæнгарзæй пайда кæна Уæрæсейы территорийыл уæвæг нысæнтты ныхмæ. Уымæй дарддæр ма уый у Германийы политикæ Уæрæсейы æрдæм æркæсыны фарс.

Германийы экономикæйы министры постмæ кандидаты ном абон снысан ис. Уый уыдзæн Кэтрин Рейх. Транспорты министры портфолио Бундестагы депутат Патрик Шнайдер райсдзæн. Хицауады нымæцон æмæ модернизацийы ног министрады сæргълæууæг уыдзæн Карстен Уайлдбергер, кæцы у Ceconomy AG æмæ MediaMarktSaturn-Gruppe-йы директорты советы сæрдар. Æнæнизхъахъхъæды министрæй снысан ис Нина Уоркен, ахуырады министр та уыдзæн Карин Приен.

Банысанкæнинаг у, цæмæй Чырыстон социалон цæдис æмæ социал-демокративон парти дæр абон министрты кандидатты бавдисдзысты.

Информацийæн, 6-æм майы Бундестаг хъуамæ сфидар кæна Фридрих Мерцы ног канцлерæй.