Хицауады  уынаффæйæ,  фысымуатты бизнесы архайæг  компанитæн   хæстæ æмфинансдзинадæн субсидиты процентон  хайы  программæ  иу  афæдзы  онг адарддæр уыдзæн.

Уый фæдыл  Гуырдзыстоны премьер-министр  Гиорги Гахариа  райхъусын кодта.

«Зондзыстут æй,  экономикон  кризисы  æрдгæй   фыццаг  антикризисон  къахдзæф,  кæцы сарызтам уыд,  туристон   секторы æмæ фыццаджы дæр  фысымуатты бизнесæн  æххуыс.  Æртæ мæймæ  рабæрæг ис, цæмæй  ацы  къахдзæф   нæ уыд æгъгъæд.   Стæй  мах ацы  компанитæн, кæцытæ  фысымуатты бизнесы архайынц,  хæсы æмфинансдзинады  программæ адарддæр кодтам  æртæ мæййæ   æхсæз мæйы онг.   Абон   та  хъуамæ райсæм ног  уынаффæ,   уымæн  æмæ  бæрæг куыд  у, афтæмæй,  раздæры  программæ дæр нæ уыдзæн æгъгъæд, хæсы æмфинансдзинадæн субсидиты  процентон  хайы программæ   адарддæр кæнæм  6-æй  12  мæйы  онг,  кæцы уыдзæн  иунæг фадат, абон фæнысангонд  секторæн баххуыс  уæм, уымæн æмæ  æнæкæсгæ  уымæ, цæмæй  экономикон бæрæггæнæнтæ арæхсгай фæлæ оптимизмы бындур нын дæттынц,  туризмы  сектор у  уыцы   къабаз, кæцы нырма дæр серьозон æлхъывды бын ис.  Уый тыххæй  алцыппæт  хъуамæ  саразæм, цæмæй  ацы  секторæн баххуыс  уæм», –  райхъусын кодта  Гахариа.

Афтæма, йæ ныхæстæм гæсгæ,   уыцы  компанитæ  кæцытæн нæ бантыстис  6 мæйы  дæргъы  фæнысангонд программæмæ  баиу уын,  уыцы  фадат сын  иу мæйы дæргъы  10 сентябрæй  10 октябрьмæ фæзындзæн.

«Уæлæмхасæй  æхсæз мæйы  компоненты хайад райсыны  фадат уыдзæн  алы  компанийæн, фæнды  нырма нæ  фæхæст ис ацы  компоненты хайадыл,  кæцы  æвзæрын кæны фадат  чысыл фысымуаттæн,  ацы  программæйы  бенефициартæ  суой. Уый у иттæг нысаниуæгджын, цæмæй  баххуыс  уæм секторæн  æмæ  куыст бынæттæ ма фесафæм», – загъта  Гиорги Гахариа.