Фридрих Мерц нымайы, цæмæй Володимир Зеленский 15-æм августы Владимир Путин æмæ Дональд Трампы æхсæн фембæлдыл хъуамæ хайад райса.Германы канцлеры ныхасмæ гæсгæ, ацы фарсты фæдыл уый АИШ-ы президентимæ телефонон ныхас сарæзта.

«Мах интенсивонæй цæттæ кæнæм ацы фембæлдмæ Европæйы æмвæзадыл АИШ-ы хицауадимæ иумæ, ныфс æвæрæм æмæ æнхъæлмæ кæсæм, цæмæй ацы фембæлдыл баст уыдзæн Украинæйы хицауад, президент Зеленский», -расидтис Мерц.

Уымæй уæлдай ма, Германийы канцлеры расидæнмæ гæсгæ, АИШ æмæ Уæрæсейæн нæй гæнæн æнæ Украинæ æмæ европæйæгтæй территорион фарстатыл æруынаффæ кæнын.

«Цыфæнды уавæры дæр, махæн нæ бон нæу сразы уæм, цæмæй Уæрæсе æмæ АИШ-ы æхсæн территорион фарстатæ æнæ европæйæгтæ æмæ украинæгтæй хъуамæ æруынаффæ кæной кæнæ æрбæстон кæной.Мæнмæ гæсгæ, АИШ-ы хицауад дæр уый уыны, уый тыххæй дæр ис ахæм æнгом координаци» – райхъусын кодта Мерц.

Мерц банысан кодта, Аляскæйы фыццæджы цы æрцæуы, уый æнæ фæстиуджытæй хъуамæ ма баззайа. Йæ ныхасмæ гæсгæ, уымæн æнæмæнг хъуамæ уа фæстиуджытæ.

«Кæнæ Уæрæсейыл æндæвдад фæфылдæр кæныны æрдæм, кæнæ та Уæрæсе йæхæдæг банымайдзæн, цæмæй ацы хæст адарддæр кæнын нæй гæнæн» – райхъусын кодта Мерц.

Уымæй дарддæр ма, Германийы канцлер ныфс бавæрдта, цæмæй фембæлд æркæндзæн Уæрæсейы æрдыгæй Украинæйы ныхмæ агрессивон хæсты æхсты фæурæды уынаффæмæ.