«Фридом Хаусы» 2025-æм азы хыгъдлæвæрдмæ гæсгæ, Гуырдзыстон нырма дæр ис хайгай сæрибар бæстæты номхыгъды, фаронимæ абаргæйæ æртæ баллы фæкъаддæр. Уый фæдыл 26-æм февралы æхсæнадæмон организацийы веб-фарсыл публикацигонд хыгъдлæвæрды ис фыст.

Апарахатгонд информацимæ гæсгæ, Гуырдзыстонæн максималонæй 100-йæ 55 баллы лæвæрд æрцыд. Политикон барты секцийы, Гуырдзыстоны балл максимум 40-æй 21 у, æмбæстагон барты секцийы та 34 максимум 60-æй у.

Гуырдзыстоны рейтинг 2024-æм азы уыд 58 баллы. Ивгъуыд азы Гуырдзыстонæн уыд 22 балл политикон барты секцийы, æмбæстагон барты секцийы та 36 балл.

Мыхуыргонд хыгъдлæвæрды иу хатт дзырд цæуы Гуырдзыстоны тыххæй, цыран дзырдæуы, зæгъгæ, «æвзæрстыты протесты рæстæджы фылдæр тыхмидзинад уыд парахат, æрцыд 11 бæстæйы, се æхсæн Гуырдзыстон æмæ Мозамбичы, цыран æдасдзинады тыхтæ спайда кодтой æнæпропорционалон тыхæй протестгæнджыты ныхмæ».

Гуырдзыстоны фæдыл деталон хыгъдлæвæрд веб-фарсыл ацы этапыл нæй.

Æндæр бæстæтæм та цы хауы, 2025-æм азы нымæц у Сомихыстон 54 баллы, Азербайджан 7, Белорусси 7, Турк 33, Украинæ 51 æмæ Уæрæсе 12 баллы.

«Фридом Хаусы» хыгъдлæвæрдмæ æнæхъæнæй 195 бæстæ æмæ 13 территори ис, кæцытæ аргълæвæрд цæуынц 25 бæрæггæнæнæй.

Финлянди разынд иууыл сæрибардæр: ис ын 100 баллы. Норвеги, Швеци æмæ Ног Зеландийæн ис 99 баллы.

Freedom House-ы информацийæ, æмтгæй райсгæйæ, дунейы сæрибардзинад 19-æм аз фæд-фæдыл æрхауы. Фæстаг азы мидæг ссæдз бæстæйы уавæр фæкарздæр, 34 бæстæйы та фæхуыздæр. Ныртæккæ адæймагады 20% цæры сæрибар паддзахадты, 40% та хайгай сæрибар æмæ æнæсæрибар паддзахадты.