Францы  президент  Эммануэль Макрон  Гуырдзыстоны раздæры  премьер-министр  Бидзина Иванишвилийы,  Цытджын легионы  Кавалеры титулæй схорзæхджын кодта.  Уый фæдыл дзырдæуы  Францы  хицауады официалон  веб-фарсыл публикацигонд  барамынды.

Барамынды мидæг дзырдæуы, цæмæй Бидзина Иванишвили  æхсæнадæмон рæхзгæнæг фонды бындурæвæрæг  æмæ Гуырдзыстоны Республикæйы  раздæры премьер-министр у.

Барамынды  æмбарынгæнæн фыстæджы банысангонд у, цæмæй  «ацы аз  фæнысангонд хорзæх лæвæрд æрцыд уыцы адæймæгтæм,  кæцытæ  коронавирусы ныхмæ тохы  нысаниуæгджын хайбавæрд скодтой».

Цытджын Легионы Орден (Ordre national de la Légion d’honneur) у Францы сегасдæр бæрзонд хорзæх  æмæ  Францы президент уымæй схорзхæджын кæны  иууыл стыр  æфсæддон  æмæ æхсæнадон  æнтыстыты  тыххæй.