Бузныг Гуырдзыстоны хицауадæн æмæ гуырдзиаг адæмæн, уымæн æмæ уыдон нæ делегацийæн нысаниуæгджын фарсылхæцындзинад сарæзтой, – уый фæдыл пресс-конференцийыл НАТО-йы парламентон ассамблейы делегацийы сæргълæууæг Фаик Озтрак расидтис.

Озтрак куыд банысан кодта афтæмæй, нысаниуæгджын у, цæмæй НАТО-йы парламентон ассамблея йæ фарсыл хæцы гуырдзиаг адæмæн.

«НАТО-йы парламентон ассамблея НАТО-йæ хицæн структурæ у. Ныхас кæнын НАТО-йы парламентон ассамблейы номæй. Гуырдзыстонимæ НАТО-йы парламентон ассамблейы партнердзинад 25 азы размæ райдыдта. Уый у нæ ахсджиаг партнердзинадæй иу. Иумæйаг аргъдзинæдтæ, индивидуалон сæрибардзинæдтæ, демократи æмæ афтæдæр барады уæлдæрдзинадмæ та цы хауы, уый у æцæгæйдæр æнæмæнгхъæугæ уавæр, цæмæй бæстæ суа НАТО-йы уæнг, афтæ дæр нысаниуæгджын у Евроцæдисæн.

Украинайы ныхмæ хæст 2022-æм азы февралы куы райдыдта, уæдæй дыууæ хатты фæфылдæр кодтам Гуырдзыстоны фарсылхæцындзинады тыхархайд. Афтæ дæр бæлвырдæй банысан кодтам, цæмæй Гуырдзыстон лæууы иттæг нысаниуæгджын тигъыл. Мах æргомæй расидтæм, цæмæй закон «Фæсарæйнаг æндæвдады æргомдзинады фæдыл» бæстæйы демократион консолидацийы фæндагыл фæстæмæздæхт къахдзæф у. Ацы æвзæрст уыд ноджы иу критикон фæлварæн Гуырдзыстоны демократийæн, æмæ йæ фæстиуджытæ уыдзысты ноджы иу фæлварæн. Растдæр уый тыххæй аскъуыддзаг кодтам ацы æвзæрстытæм фæкæсын æмæ нæ куы фæхуыдтой, уæд райстам сидт, уымæн æмæ Гуырдзыстоны 2008 азæй фæстæмæ æппæт æвзæрстытæм цæст дарæм.

Нæ фидиуæны кой цæуы иуæй-иу негативон элементтыл, кæцытæ ацы æвзæрстыты рæстæджы бафиппайдтам. Сæрмагондæй мæ цы хъыгдардтой, уыдон уыдысты мæнæ ацы фарстатæ. Æндыгъд, арф поляризацигонд уавæр, афтæ ма æвзарæн хайады æддейæ æвзарæгты тæрсын кæныны æмæ æндæвдады цаутæ, хъæлæсты сусæгдзинады хæлд, æнæбæрц уавæртæ æмæ дихгæнæг риторикæ. Мæ хæс у ацы æвзæрстыты фæдыл раныхас кæнын æмæ хыгъдлæвæрд бацæттæ кæнын, цæмæй йæм Ассамблея ногæй æркæса, ног калибрæй йæ сбæрæг кæна æмæ Гуырдзыстоны парламентимæ ахастытæ адарддæр кæна.

Нысаниуæгджын у, цæмæй æххуыс кæнæм гуырдзиаг адæмæн. Гуырдзыстон демократион реформæты æмæ консолидацийы фæндагыл стыр зындзинæдтыл лæууы, уый тыххæй дæр НАТО-йы парламентон ассамблейы банысан кæнынц, цæмæй нысаниуæгджын у демокративон æнæфæцудгæдзинады центр саразын æмæ уый НАТО-йы штабы хъуамæ æххæстгонд æрцæуа. Нысаниуæгджын у афтæдæр демократи бахъахъхъæнын æмæ йæ нæ уæнгтæн, афтæдæр Гуырдзыстонæн ресурс саразын. Фæнды мæ бузныг зæгъон Гуырдзыстоны хицауадæн æмæ гуырдзиаг адæмæн, уымæн æмæ нæ делегацийæн нысаниуæгджын фарсылхæцындзинад сарæзтой», – расидтис Фаик Озтрак.