Фæсарæнты онкологон диагноз кæмæ ис, уыцы сывæллæтты дзæбæх кæныны программæ фæуæрæхдæр. Уый фæдыл информаци Гуырдзыстоны æрцæуæггæгты, фæллойы, æнæнизхъахъхъæды æмæ социалон фарстаты министрад парахат кодта.

Минитсрады информацийæ, бенефициартæн лæггæдтæ райсын сæ бон уыдзæн Турчы ноджы æртæ клиникæйы. Программæмæ бафтыдтой «Медикана Интернешнл Клиник», «МК Хоспитал» æмæ «Медипол Мега Университет Хоспитал».

«Æнæнизхъахъхъæды министр бабæрæг кодта программæйы ног æмæ уæвæг партнер медицинон уагдæттæ.

Михеил Сарджвеладзе Туркы уæвæг æрыгон гуырдзиаг пациенттимæ æмæ сæ ныййарджытимæ фембæлд, бенефициарты хоскæныны процессы тыххæй базыдта, клиникæты сын лæвæрд лæггæдты фæдыл деталон информаци райста.

Фæсарæнты онкологион диагноз кæмæ ис, уыцы сывæллæтты дзæбæхгæнæн программæйы фæлгæтты пациенттæ ныридæгæн райсдзысты лæггæдтæ 8 клиникæйы – Турчы, Испанийы æмæ Израилы. Ныридæгæн бафыстой æмгуыстады бадзырдтæ ног партнер клиникæтимæ.

Фæсарæнты онкологон диагноз кæмæн ис, уыцы сывæллæтты дзæбæхгæнæн программæ йæ тыхы ис 2023 азы августæй. Хоскæныны пакетмæ хауы диагностикæ æмæ хоскæныны стандартон курс: химиотерапи, радиацион терапи, хирурги æмæ протонон терапи. Йæ куыст куы райдыдта, уæдæй нырмæ программæйы архайдта 157 бенефициары. 100 пациентæн ныридæгæн ахицæн сты дзæбæхгæнæн мадзæлттæ.