Евросоветы сæрмагонд рабадтыл, лидертæ райстой хатдзæгтæ европон хъахъхъæнынады фæдыл, кæцытæ нысан кæнынц нысаниуæгджын финансон æмæ институционалон ивæндзинæдтæ Евроцæдисы хъахъхъæнынады гæнæнтæ фæтыхджындæр кæнынæн.

Документы фыст ис, зæгъгæ, «Европæ хъуамæ суа фылдæр суверенон, фылдæр бæрнон йæхи хъахъхъæнынады тыххæй, æмæ хуыздæр ифтонггонд уа архайынæн æмæ хæдбарæй æрбæстон кæнын уæвæг æмæ фидæны æртхъирæнтæ æмæ тасдзинæдтæ 360 градусы æгъдауæй».

Евросоветы информацийæ, «Уæрæсейы агрессивон хæст Украинæйы ныхмæ æмæ йæ фæстиуджытæ Европæйы æмæ дунеон æдасдзинадæн ивгæ уавæры æвзæрын кæнынц экзистенциалон æвзарæн Евроцæдисæн».

Документы куыд ис фыст, афтæмæй Совет сиды Еврокамисмæ фæкарздæр кæна йæ куыст хъахъхъæнынады бюджеттæ фæфылдæр кæнын æмæ бавдиса ног фæндонтæ. Сæрмагондæй, Еврокамис расидтис фæндон, цæмæй уæнг бæстæтæн 150 миллиард евройы онг кредит рахицæн кæна, кæцы Евроцæдисы бюджетæй лæвæрд æрцæудзæн.

Хатдзæджы дзырдæуы, зæгъгæ, «æдасдзинад æмæ хъахъхъæнынады фадыджы тыхджындæр æмæ хъомысджындæр Евроцæдис позитивонæй ахъаз кæндзæн глобалон æмæ трансатлантикон æдасдзинадæн æмæ æххæст кæндзæн НАТО, кæцы баззайы йæ уæнгтæ бæстæты коллективон хъахъхъæнынады бындурæй».