Гуырдзыстон хъуамæ æрыздæха демократион консолидацийы фæндагмæ æмæ сбæлвырд кæна йæ æнæфæцудгæдзинад демократион принциптыл – уый фæдыл Страсбургы Евросоветы бынæттон æмæ регионалон хицауады конгрессы 47-æм пленарон рабадтыл райсгæ декларацийы ис фыст.

Европæйы Советы бынæттон æмæ регионалон хицауады конгресс «сиды Гуырдзыстоны хицауадмæ скусын кæной æрæджы райсгæ адæймаджы барты ныхмæ закъондæттынад æмæ сæхи бауромой ахæм архайдтытæй, кæцытæ ноджы тынгдæр тæссаг кæндзысты политикон плюрализмæн, фехалой адæймаджы бартæ кæнæ та фехалдзысты демократийы бындуртæ, кæцы зиан æрхæсдзæн бынæттон хиуынаффæйадæн дæр».

Конгресс «Гуырдзыстоны хицауадæн зæрдыл лæууын кæны, цæмæй уыдон хъуамæ æххæст кæной уыцы хæстæ, кæцытæ ногæй райстой Рейкьявикы декларацийы 2023 азы майы æмæ гæнæн ис æмæ дзуапп дæттой Европæйы Советы законон органтæ, кæд æмæ нæ сæххæст кæной».

Гуырдзыстоны уавæры фæдыл сессийы дебатты фæстæ райсгæ декларацийы, Конгресс «арф тыхстдзинад æвдисы Гуырдзыстоны демокративон фæстæмæздæхты æмæ адæймаджы барты фæлæмæгъдæры ирд нысæнтты фæдыл, кæцы нысангонд у æхсæнады рæзгæ поляризацийæ æмæ стандарттæн ныхмæлæууæг закъондæттынады райстæй Европæйы Советы».