Европарламент Гуырдзыстоны фарстайыл резолюцийы ног вариант публикаци кæны.
Резолюцийы проект сарæзтой ахæм политикон къордтæ: Европæйы адæмон парти; Социал-демократон политикон къорд; Европæйы консервативон реформистон политикон къорд; политикон къорд Renew; Европæйы сæрибар альянсы политикон къорд æмæ ма Европарламенты уæнгтæ: Йонас Шйостедт æмæ Ханна Геддин.
Сæрмагондæй, резолюцийы проекты ис фыст:
«Гуырдзыстоны хицауад ноджы фæфыддæр кодта æхсæнадон информацимæ бацæуæн, се æхсæн советон дуджы архивтæм, Евроцæдисы бæрæггæнæнты хъахъхъæды иумæйаг уагæвæрдæй пайда кæнгæйæ, цæмæй мæнгæй рараст кæна архивтæм бацæуыны карз арæнæвæрдтæ, æмæ уый, æмæ Гуырдзыстоны иуæй-иу ахсджиагдæр советон дуджы архивтæ 2023 азы октябрæй æнæ исты æмбарынгæнæнæй бынтондæр æхгæд æрцыд; æвдисы Уæрæсейы манипуляцитæ æмæ историйы фальсификаци, уыцы нымæцы советон историйы, куыд Украинæйы ныхмæ агрессийы хæсты æмæ æндæр бæстæты ныхмæ æфсæддон тасдзинады хай; «Хъыг кæны Сталины рæзгæ культ æмæ уыимæ баст советон ностальги Гуырдзыстоны, кæцыйæн æххуыс кæны хицаугæнæг хицауад, кæцы акцент аразы йæ æнгомдæр бастдзинæдтæ Уæрæсеимæ», – ис фыст резолюцийы проекты.