Европарламенты резолюци - Венгри амæй фæстæмæ гæнæн ис схонын «электроалон автократийæ», цы ран æвзæрстытæ регуляронæй цæуынц, фæлæ демократийы нормæтæн цыт нæ кæнынц
Европарламенты аргълæвæрдæй, зæгъгæ Венгри нал у æххæстæй демократон бæстæ. Уый фæдыл дзырдæуы резолюцийы, кæцы Евроцæдисы закъондæттæн орган райста. Информаци хъусын кæны «Евроньюс».
Документмæ гæсгæйæ, Венгри амæй фæстæмæ гæнæн ис схонын «электоралон автократийæ» цы ран æвзæрстытæ регуляронæй цæуынц, фæлæ демократон нормæтæ ницæмæ дарынц.
Æмбæлгæ резолюциимæ сразы ис 433 евродепутат, йæ ныхмæ уыд 123, сæхи фæурæдтой 28 закъондæттæг.
Документы Европарламентаритæ бæрн æвæрынц сæрмагондæй Венгрийы премьер-министр Виктор Орбаныл æмæ фауынц йæ хицауады нысанон æмæ системон тыхархайд, кæцы здæхт у Европæйы сæйраг аргъдзинæдтæ фенкъуысын кæнынæн.
Резолюцийы евродепутаттæ равдыстой мæстыдзинад Венгрийы адæймаджы фундаментон бартæ хъахъхъæды æрдгæй уæвæг проблемæты тыххæй. Уый нымæцы, уый æххæссы æвзарæнон системæмæ, расттæрхоны хæдбарздинадæн, дзырды сæрибардзинад, медиаплюрализмы, ЛГБТ бартæ, афтæма къаддæрдæрты æмæ хиæмбæхсæн агурджыты хъахъхъæдмæ.
Европарламентаритæ афтæдæр критикæ кæнынц Евроцæдисы институтты, кæцытæ бауагъдтой Венгрийы демократийы фæстæдзыд æмæ бæстæйы фестын кæнын «электоралон автократийæ».
Уый у фыццаг цау, Евроцæдисы иуæй-иу институт кæцыдæр уæнг бæстæйы «æнæмбæлон демократийæ» куы банымадта.