Европарламент Гуырдзыстоны фæдыл резолюцийы проект сбæлвырд кодта.

495 депутат рахæцыдысты резолюцийы фарс, 73 уыдысты йæ ныхмæ, 86 та сæхи баурæдтой.

Европарламентаритæ сфидар кодтой Гуырдзыстоны фæдыл бацæттæгонд резолюцийы проект ивæндзинæдтимæ, сæрмагондæй та резолюцийы проекты æхсæзæм абзац, цыран фыст уыд: «ноджы иу хатт бæлвырд кæны йæ фидар фарсылхæцындзинад гуырдзиаг адæмы легитимон европæйаг тырнындзинæдтæн æмæ сæ фæндон дидинæфтыд царды бæстæ, коррупцийæ сæрибар, кæцы æххæстæй кад кæны бындурон сæрибардзинæдтæн, хъахъхъæны адæймаджы бартæ æмæ ифтонг кæны гом æхсæнад æмæ хæдбар медиа; Акцент кæны, цæмæй Гуырдзыстонæн Евроцæдисы кандидат бæстæйы статус раттыны фæдыл уынаффæ мотивацигонд æрцыд Гуырдзыстоны æмбæстагон æхсæнады æнтыстытæ æмæ демокративон тыхархайд банымайыны фæндонæй, афтæ дæр æмбæстæгты æхсæн Евроцæдисмæ бацæуыны æркуырдæй, кæцыйæн йæ фарсыл хæцы фылдæр гуырдзиаг адæмы 80%; Аргъ кæны Гуырдзыстоны президенты, Саломэ Зурабишвилийы тыхархайдæн, цæмæй Гуырдзыстон æрыздæха демокративон æмæ проевропæйаг размæцыды фæндагыл», – бафтыд ахæм хъуыдыйад: «Карзæй æфхæры парти «Гуырдзиаг бæллиццы» Гуырдзыстоны президенты æрсабыр кæныны тыхархайд импичменты процедурæйы фæрцы æнæбындур бындурыл».

Афтæ дæр резолюцийы проекты æвдæм абзац, цыран фыст уыд: «тæрхон кæны олигарх Бидзина Иванишвилийы сæрмагонд роль, кæцы активон политикæмæ æрыздæхт 2023 азы 30 декабры, уæд «Гуырдзиаг бæллиццы» «кадджын сæрдар» ссис». парти, ныртæккæйы политикон кризисы æмæ бæстæйы евроатлантикон ориентаци ноджы иу хатт фехалын Уæрæсейы æрдæм здæхыны фарсыл; Ноджы иу хатт сиды Советмæ æмæ Евроцæдисы демократон партнертæм, цæмæй Иванишвилийы ныхмæ æвæстиат æмæ нысанмæздæхт сæрмагонд санкцитæ æрæвæрой, Гуырдзыстоны политикон процессы фæфыддæр кæныны йæ ролы тыххæй», – бафтыдта ахæм тæрхон: «афтæ дæр æндæр архайдтытæ, кæцытæ пайда сты Уæрæсейæн».

Европарламенты минæвæрттæ Гуырдзыстоны фæдыл резолюцийы проект 8-æм октябры бавдыстой. Фæстæдæр Европарламенты сырæзт дебаттæ, æмæ абон, резолюцийы проекты ноггонд верси рапарахат ис.