Еврокамис Гуырдзыстоны дипломативон паспорты хицæуттæн æмæ сæ бинонты уæнгтæн æнæвизæйон режим æруромыны тыххæй фæндон бавдыста.

Еврокамисы пресс-релизы куыд банысангонд у афтæмæй, кæд æмæ Совет ацы фæндоныл сразы уыдзæн, уæд гуырдзиаг дипломаттæн, бæрнон кусджытæн æмæ сæ бинонты уæнгтæн, кæцытæн ис дипломатон æмæ официалон паспорттæ, Евроцæдисмæ цыбырæмгъуыдон визиттæн визæтæ бахъæудзæн – 90 боны онг 180 боны æмгъуыд.

Пресс-релизы ис фыст, цæмæй дипломативон æмæ официалон паспортты къухы гуырдзиæгтæн нал уыдзæн визæйы фæрогдæргæнæн уавæртæ, куыд цыбырдæр куырдиаты æркæсыны æмгъуыдтæ, къаддæр фиддонтæ æмæ къаддæр æвæрд документтæ бавдисыны домæн. Ацы æскъуыддзаг негативонæй нæ фæзындзæн адæймагон контакттыл, уымæн æмæ хуымæтæг паспорттимæ Гуырдзыстоны æмбæстæгтæ Евроцæдисмæ цыбыр æмгъуыдмæ визитты рæстæджы дæр дарддæр кæндзысты æнæвизæйон балцы æхцондзинад. Пресс-релизы банысангонд у, цæмæй фæндон Гуырдзыстоны хицауады æрдыгæй сабырадон демонстрантты, политикты æмæ хæдбар медийы ныхмæ тызмæг репресситы дзуапп у, кæцы райдыдта уый фæстæ, хицауад 28-æм ноябры куы расидтис, цæмæй 2028-æм азы онг Евроцæдисмæ бацæуыны фæдыл бадзырдтæ гом кæнын нал бафæлвардзæн.

«Уымæй дарддæр ма, Гуырдзыстоны фæстаг закъондæттынад, се æхсæн «Фæсарæйнаг æндæвдады æргомдзинады фæдыл» (райст 2024 азы майы) æмæ «Бинонты æргъдзинæдты æмæ æнахъомты хъахъхъæды фæдыл» (райст 2024 азы сентябры) халынц бындурон бартæ, кæцытæ сты Евроцæдисы аргъдзинæдты бындур .” Фундаменталон барты хъахъхъæд, зæгъæм, дискриминацийы ныхмæ политикæйы эффективон реализаци, у визæты либерализацийы сæйраг домæн. Евроцæдис ныридæгæн архайдта Гуырдзыстоны нысаниуæгджын демократион фæстæмæздæхты дзуаппæн: июны Евросовет банысан кодта, цæмæй ныртæккæйы архайдтыты цыд æркæны бацыды процессы дэ-факто æрурæдмæ. Уавæр дарддæр кæй фæфыддæр, уымæ гæсгæ 16-æм декабры Фæсарæйнаг хъуыддæгты советы дискусситы фæстæ Къамис рахаста уынаффæ гуырдзиаг дипломаттæ æмæ бæрнон кусджытæн визæты либерализацийы æрурæды рекомендаци раттын.

Ныр Советы бар у абоны фæндоныл сразы уæвын æмæ визæйы фæрогдæр кæныны бадзырд хайгай скусын кæнын. Кæд æмæ совет сбæлвырд кæндзæн фæндон æмæ йæ тыхы куы бацæуа, уæд организацийы уæнг бæстæтæ хъуамæ райсой æмбæлон мадзæлттæ. Уый нысан кæны, цæмæй зæрдиаг æмкуыстдзинады принципмæ гæсгæ, Гуырдзыстоны æрдыгæй лæвæрд дипломатон, службæгæнæг/официалон паспортты хицæуттæн визæйы домæнтæ сæвæрын хъæудзæн æмæ ацы мадзæлтты тыххæй иннæ уæнг бæстæтæн æмæ къамисæн фехъусын кæной. Уæнг бæстæтæ бахъæудзæн фæуромын уæвæг льготæтæ, се æхсæн цыбырдæр куырдиæтты æмгъуыдтæ, фæкъаддæр визæйы фиддонтæ æмæ къаддæр документтæ, кæцытæ хъуамæ æрбавдисой». – ис фыст Еврокамисы пресс-релизы.