Евроцæдисы совет æмæ Европарламент Шенгены зонæйы автоматизацигонд регистрацийы этапонæй  баконды фæдыл развæлгъау бадзырд бафыстой.

Бацæуæн/рацæуæн системæ  EES – (Entry/Exit system) фадат ратдзæн Шенгены зонæмæ бацæуæг æмæ рацæуæг адæмы автоматикон регистрацийæн, уыимæ биометрион бæрæггæнæнтæ, æнгуылдзы фæдтæ æмæ цæсгомыл нывтæ. Евроцæдисы уæнг бæстæты хицауадæн уыдзæн æппынæдзух бацæуæн æртыккаг бæстæйы æмбæстæгты персоналон бæрæггæнæнтæм æмæ балцы историмæ, афтæ дæр сæ бон уыдзæн цæст дарын, æххæст кæнынц æви нæ бæстæйы уæвыны барлæвæрд æмгъуыд.

Ног системæ, кæцы алы уæнг бæстæйы къæпхæнгай æхсæз мæйы дæргъы æххæстгонд æрцæудзæн, баивдзæн уыцы штамп, кæцыйы арæнхъахъхъæнджытæ паспорттыл æвæрдтой бæстæмæ бацæугæйæ æмæ рацæугæйæ. Ивгъуыд рæстæджы къухæй штамп кæнын адарддæр уыдзæн. Бæлццæтты стыр æрбацыд куы уа, уæд, цæмæй даргъ рæнхъытæ ма уа, уый тыххæй йын бар уыдзæн рахизын, ногæй рæстæгмæ, къухæй штамп кæнынмæ.

Евроцæдис нымайы, цæмæй  системæ нысаниуæгджынæй фæкъаддæр кæндзæн гæнæн сайды рискътæ, кæцытæ баст сты идентификацигæнæн бæрæггæнæнтимæ æмæ бæстæйы æнæзакъонон уæвынимæ.