Евроцæдисы лидертæ  Уæрæсейы ныхмæ  санкциты æхсæзæм  пакетыл æрдзырдтой,кæцы уырыссаг нефты импорты 75% тобæ дары йæ хъуыдыйы
Евроцæдисы лидертæ Уæрæсейы ныхмæ санкциты æхсæзæм пакетыл æрдзырдтой,кæцы уырыссаг нефты импорты 75% тобæ дары йæ хъуыдыйы

Евроцæдисы  лидертæ Уæрæсейы ныхмæ  санкциты æхсæзæм  пакетыл æрныхас кодтой, кæцы уырыссаг  нефты импорты  75%  тобæ дары йæ  хъуыдыйы.  Уый фæдыл Европаг Советы  президент, Шарль Мишел  саммиты  фыццаг боны  фæстæ,  рæгмæ  æхсæв  лæвæрд пресс-конференцийыл   райхъусын кодта.

Уыимæ, йæ дзырдæй,  бадзырдмæ гæсгæйæ,   сæрыфыццаг  тобæ  нæ баххæсдзæни   хæтæлвæдæй  импортиргонд нефтмæ.

«Абон европаг  Совет   æрныхас кодта санкциты æхсæзæм пакеты фæдыл. Сæрмагондæй та, уый тобæ  æвæры   уырыссаг нефты импортыл,  хæтæлвæдæй  лæвæрд  нефты рæстæгмæ   уæлвæткæй.  Растдæрæй та, санкцитæ  æнæаргъæвгæйæ  фæзындзысты  уырыссаг  нефты импорты  75 % æмæ  афæдзы  кæронмæ   ацы  мадзал  баххæсдзæн   Европæмæ импортиргонд  уырыссаг нефты   90%-мæ», – райхъусын кодта Шарль Мишел.

Банысанкæнын хъæуы уый, æмæ  санкциты æхсæзæм пакеты  компромиссджын вариантыл  æрдзырдтой  Венгрийы   позицийы  тыххæй, кæцы  нефты импорты  тобæйы  ныхмæ  уыд.

Европаг Советы  президенты хъусинагæй,   Европаг   лидертæ  афтæдæр   æрныхас  кодтой   Уæрæсейы  ставддæр банк «Сбербанкы» раиу кæнын  «SWIFT»-ы системæйæ  æмæ  ноджы  æртæ ставд   уырыссаг   падзахадон уацхæссынадыл тобæйы  тыххæй.

Европаг Советы  президенты хъусинагæй,  совет  афтæдæр сбæлвырд кодта  Украинайæн фараст миллиард евройы  бæрц  макрофинансон  æххуыс, кæцы  бæстæ фæстæмæ кæъхтыл слæууынкæнын бахардз уыдзæн.

Еврокомиссийы  президент Урсула фон дер Лайены  фидиуæнæй, афæдзы кæронмæ тобæ  уырыссаг нефты  импорты   90%-мæ баххæсдзæн, иннæ 10 процентыл тæрхонмæ та, Евроцæдисы лидерты  тагъд рыздæхдзысты.

Ныууадз комментари