Ацы уæззау рæстæджы мах лæууæм гуырдзиаг адæмы фарсмæ. Нысаниуæгджын у, цæмæй демонстрацитæ æмæ уыдонмæ хицауады реакци сабырадонæй баззайой – уый фæдыл Евроцæдисы 13 уæнг бæстæйы министрты иумæйаг расидæны ис фыст.

«Мах тынг тыхстгонд стæм Гуырдзыстоны уæвæг уавæрæй. Æхсæнадæмон цæстдарджытæ сæ репортажты хъусын кодтой æвзарæнон кампанийы æмæ æвзарæн бон закъонхæлдтыты тыххæй. Мах тæрхон кæнæм алы архайд, кæцы халы сæрибар æмæ рæстаг æвзæрстыты дунеон стандарттæ. Мах сын разы стæм сæ тыхстдзинæдтимæ æмæ домæм хъастыты æнæхин фæдагуырд æмæ рабæрæггонд хæлдтыты аиуварс кæнын. Ацы уæззау рæстæджы мах лæууæм гуырдзиаг адæмы фарсмæ. Нысаниуæгджын у, цæмæй демонстрацитæ æмæ уыдонæн хицауады реагирдзинад сабырадонæй баззайой. Æвзарæнон æнæфæцудгæдзинады хæлд нæ æмдзу кæны уыцы стандарттимæ, кæцытæм æнхъæлмæ кæсæм Евроцæдисы кандидатæй. Уый у гуырдзиаг адæмы легитимон европæйаг тырнындзинадыл гадзрахатæй рацæуын. Закъоны уæлдæрдзинады хъахъæд æмæ сæрибар, рæстадон æвзæрстытæ Евроцæдисы фæндагыл Гуырдзыстоны прогрессæн æнæмæнгхъæугæ уавæр у. Мах критикæ кæнæм премьер-министр Орбанийы æнафоны визит Гуырдзыстонмæ. Уый Евроцæдисы номæй нæ дзуры» -ис фыст Евроцæдисы 13 уæнг бæстæйы министрты расидæны.

Расидæн бафыстой: Чехийы Европæйы хъуыддæгты министр Мартин Дворак, Данийы Европæйы хъуыддæгты министр Мари Бере, Германийы Европæйы æмæ климаты хъуыддæгты паддзахадон министр Анна Люрман, æттаг хъуыддæгты министр Маргус Цахкна Эстони, Финляндийы Европæйы хъуыддæгты æмæ исбоны управленийы министр Иоаким Странд, Францы Европæйы хъуыддæгты фæдыл министры делегат Бенжамин Хаддад, Ирландийы Евроцæдисы хъуыддæгты фæдыл паддзахадон министр Дженнифер Кэрол МакНил, Лиетувæйы фæсарæйнаг хъуыддæгты министр Габриэлиус Ландсбергис, Фæсарæйнаг хъуыддæгты министр Нидерландты Каспар Вельдкамп, Люксембургы фæсарæйнаг хъуыддæгты, æттаг базарады, рæзты æмгуыстады æмæ гуманитарон хъуыддæгты министр Ксавье Беттель, Польшæйы Европæйы Цæдисы министр Адам Шпалка, Европæйы хъуыддæгты министр Португалийы паддзахадон нымæрдар Инес Домингос Европæйы Цæдисы хъуыддæгтæ Швецийы Джесика Розенкранц.