Евроцæдис æмæ ноджы дæс паддзахад, сæ нымæцы  АИШ, Стыр Британи, Андоррæ, Гуырдзыстон,  Исланди, Норвеги, Молдовæ, Сан-Марино æмæ   Израил   къух бафыстой   Ервопæйы  Советы   фæлгæтконвенцийыл  аразгæ  интеллекты æмæ адæймаджы  барты, демократийы æмæ закъоны сæйрагдзинады фæдыл.

Европæйы  Советы  веб-фарсыл   куыд дзырдæуы афтæмæй,   уый  у  фыццаг  æхсæнадæмон   бадзырд   аразгæ интеллектæй  спайдайы  фæдыл,  кæцыйæн уыдзæн æнæмæнгхъæугæ юридиокн тых.  документ,  кæцыйы  нысан у   аразгæ интеллекты  системæтæй  спайдайы  «æххæстæй æмбæлон скæнын  адæймаджы бартимæ, демократиимæ æмæ закъоны сæйрагдзинадимæ»,  къухбафыссынæн  гом  у. документы  автортæ хъусын кæнынц, цæмæй бадзырд   «йæ къух сараздзæн    прогрессæн æмæ инновацитæн аразгæ  интеллекты   сферæйы»,  иурæстæгонæй   ахъаззаг уыдзæн уыцы  тасы  фæткдæттынæн, кæцытæн фемдзыд вæййынц  аразгæ интеллектимæ.

Европæйы  Советы  генералон   нымæрдар   Мария Пейчинович-Бурич  райхæлдта, цæмæй  аразгæ интеллекты райтынг   «хъуамæ æмбæлон уа  стандарттæм æмæ  сын  сæ бын  ма хъуамæ  къаха».

Фæлгæтконвенци бакуыстæуыд   Европæйы  Советы 46 бæстæйы æмæ 11 æнæуæнг  паддзахады (Аргентинæ, Астрали, Ватикан, Израил, Канадæ, Коста-Рикæ, Мексикæ, Перу, АИШ, Уругвай æмæ Япони) æмкуыстгæнгæйæ. Документ  регулир кæны   куыд паддзахады, афтæ  хицæн    компаниты  аразгæ  интеллектæй  фæлхаскæнынад æмæ  фарсыты хæсджын кæны,  басгарой   ахæм технологитæй спайда  адæймаджы барты   стандартты хъахъхъæд,  кæнæ  сфидар кæной тобæ  се спайдайыл, кæд ацы  домæны сæнæмæт кæнын  гæнæн  нæй.

Бадзырд афтæдæр  йæ хъуыдыйы  дары   бæрæг  мадзæлттæ  ауадзын, цæмæй аразгæ интеллекты  системæтæй  ма спайда кæной демократон институтты æмæ  процессты, афтæма хицаудзинады  райуæрсты,  тæрхонон хицауады   хæдбарады æмæ  расттæрхоны  рæувадатдзинады  принциптæ  фехъусын кæнынæн.

Марты конвенци  сбæлвырд кодтой Европарламенты  депутаттæ, æрмæст майы   документ  райстой  Европæйы  советы   уæнгтæ.